Home dezenvolvimentu FRETILIN Manan Sei Halo Tan ZEEDA

FRETILIN Manan Sei Halo Tan ZEEDA

1233
0
SHARE
Sekretariu Jeral FRETILIN Mari Alkatiri hato'o hela programa ba militante FRETILIN nian iha munisipiu Aileu. Photo: Media/FRETILIN

By: Fidelio RAMOS

THETIMOR-NEWS.com, LAUTEM – Sekretariu Jeral Partidu Frenti Revolucionariu Timor-Leste Independensia (FRETILIN) Mari Alkatiri hatete,bainhira  FRETILIN manan iha eleisaun antisipada 2018  hodi kaer governu sei halo tan Zona Ekonomia Espesia Dezenvolvimentu Aseleradu (ZEEDA) 4 iha Timor-Leste.

“Tanba Politik  no planu governu  FRETILIN nian hakarak  harii duni ZEEDA tolu  haat tan hanesan ne’e maibe, Lospalos, Viqueque, Baucau, bele sai zona ida liga ba agrikultor turizmu no seluk tan,  nune’e bele hadia povu nia problema,” Alkatiri haklaken lia hirak ne’e ba militante no simpatezante partidu FRETILIN iha kampo Lospalos, Munisipiu Lautem, Kuarta (18/04/2018).

Alkatiri mos hatene politika hodi  halo investimentu sustentavel  nune’e bele defini lolos   joven sira asesu iha servisu.

Nune’e nia esplika, la’os Oekuse mesak deit mak asesu ba dezenvovimentu ne’ebe furak no buras maibe Oekuse sai hanesan referensia iha prosesu ba Timor-Leste.

Dezenvolvimentu Oekuse foin mak  hahu iha fulan marsu tinan 2015 foin mak tinan 3 deit sai nabilan, tanba ne’e agora tenki iha ona  kapasidade halo tan zona nune’e bele halo komersiu lori ba  iha rai liur, ho ida ne’e mak tenki hatene halo oin nusa dezenvolvimentu aseleradu  refere bele komesa lori povu ba naroman.

“Kamarada  sira hotu programa VII governu tenki implementa para gasta osan hodi hetan  rezultadu  tanba hau lakoi halo kolen povu sira ona,”hatete fundador nasaun ne’e.

Alkatiri garante, Lautem, Viqueque, Baucau, konfia FRETILIN, maske membru deputadu husi opozisaun kontra, FRETILIN sei fila ba hamutuk ho povu hodi rezolve situasaun dezenvovimentu baziku.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here