Home dezenvolvimentu Dezenvolvimentu Setor Turizmu iha Baucau Sei Hakdasak

Dezenvolvimentu Setor Turizmu iha Baucau Sei Hakdasak

274
0
SHARE
Sekretariu Jeral FRETILIN Mari Alkatiri koalia hela ho militante FRETILIN iha kampaina. Photo: Media /FRETILIN

By: Fidelio RAMOS

THETIMOR-NEWS.com, Baucau Baucau hanesan munispiu ida ne’ebe, be’e barak no iha potensia bo’ot ba area Turizmu maibe dezenvolvimentu iha area ne’e sei hakdasak ladauk dezenvolve ho diak.

Lia hirak ne’e hato’o hosi Sekretariu Jeral FRETILIN Mari Alkatiri ba militante no simpatizante iha kampaina FRETILIN ne’ebe halo iha autoridade Munisipal Baucau, Kinta (19/04/2018).

“Munisipiu  Baucau be’e mos barak no sai fatin potensial ba Turizmu maibe infrastutura kontinua hakdasak  hanesan estrada ponte kontinua la diak,” dehan Alkatiri.

Tanba ne’e lider ne’e dehan, bainhira povu fo konfiansa ba FRETILIN sei rezolve problema hirak ne’ebe akontese hela iha Timor – Leste no FRETILIN hakarak hadia buat ne’ebe durante ne’e lao ona maibe seidauk los.

“Ita tenke rezolve uluk povu nia vida tanba povu presiza dezenvolvimentu ida dignu, programa VII Governu nian atu hadia sasan ne’ebe seidauk diak, ne’ebe sai prioridade ba povu tomak,” dehan Alkatiri.

Alende ne’e, FRETILIN mos sei rezolve problema ne’ebe akontese hanesan edukasaun ne’ebe daudauk ne’e sai hanesan dezastre bo’ot ba povu kbit laek nia oan sira tanba eskola publiku barak laiha kualidade.

“VII Governu lori dezenvolvimentu ba Timor no halo maziku ba  povu, tanba ne’e povu sei  vota programa ne’e, maibe ita hare eskola agora  gratis maibe seidauk iha kualiade tanba ne’e presiza hadia hodi fo formasaun ba mestri sira nune’e bele hanorin ita nia oan sira ho kualidade ne’ebe diak,” dehan lider FRETILIN ne’e.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here