Home Uncategorized Aliança Araujo: Abilio Mos Hetan Projetu Hosi Governu AMP

Aliança Araujo: Abilio Mos Hetan Projetu Hosi Governu AMP

4768
0
SHARE
Aliança Araujo fo sasin ba povu Aileu katak nia maun ABilio Araujo ne'ebe koalia dehan governu Xanana Gusmao korruptor lalos, tamba Abilio Araujo mos hetan projetu iha tempu governasaun Xanana. Photo: TTN/Hortencio Sanches

By: Hortencio SANCHES

THETIMOR-NEWS.com, AILEU – Prezidenti Partidu Timorense Demokratiku (PTD), Aliança Araujo nudar mos alin Abilio Araujo ne’ebe dadauk ne’e hamutuk ho Partidu FRETILIN, uluk mos hetan projetu hosi governu Aliansi Maioria Parlamentar (AMP) iha tempu Primeiru Ministru Kay Rala Xanana Gusmão.

Aliança Araujo. Photo: TTN/Hortencio Sanches

Iha Kampana Aliansa Mudansa ba Progresu (AMP), Aliança Araujo husu ba nia maun Abilio Araujo atu hapara ona lia bosok ho Partidu FRETILIN hodi kontinua insulta Xanana Gusmão nudar lider AMP ne’ebe dehan nia governu korruptor.

“Maun Abilio para ona bosok ba, hau mak sasin, ita rua duni mak ba Maun Xanana, uluk nia hetan mos projetu hosi Maun Bo’ot Xanana nia governasaun,” hakilar Aliança Araujo iha militante no simpatizante AMP, Kinta (19/04/2018), iha Kampu Futebol Aileu, Munisipiu Aileu.

Eis deputadu iha lejislatura dahuluk hosi Partidu Nasional Timorense (PNT) ne’ebe nia maun Abilio Araujo funda ba husu ba lider Partidu FRETILIN atu hapara mos lia bosok hasoru Xanana Gusmão.

“Husu ba lider Partidu FRETILIN para ona imi nia bosok,” dehan Aliança Araujo.

Lori nia partidu, Aliança Araujo deklara lori nia apoiantes ne’ebe foin lalais ne’e vota iha Eleisaun Parlamentar 2017, atu vota AMP iha 12 Maiu 2018.

Aliança Araujo nudar feto Timoroan ida ne’ebe iha tempu Indonezia brani subar Xanana Gusmao iha nia uma.

“Nudar feto Timor ida, nia (Aliança Araujo) brani subar hau iha nia uma, maski iha inimigu barak,” Xanana Gusmão fo sasin.

Alende Aliança Araujo ne’ebe deklara ona fo nia apoiu iha mos Angela Freitas, Prezidenti Partidu Trabhalista ne’ebe fo ona nia apoiu uluk ba AMP, no mos iha veteranu Antonio Aitahan Matak, eis lider CPD-RDTL, inklui mos organizasaun massa lubuk ida ne’ebe fo ona nia garantia hodi lori MAP ba hetan vitoria absuluta iha Eleisaun Antesipada fulan oin.

Editór: Evangelisto SANTOS I COPYRIGHT THETIMORNEWS © 2018

 

LEAVE A REPLY

Please enter your comment!
Please enter your name here