Home nasional Portu Taibessi Lakon Tan

Portu Taibessi Lakon Tan

83
0
SHARE
Jogador Portu Taibessi tenta lori sai hosi lina perigu Guarda rede. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Klubu Portu Taibessi kontinua lakon tan iha Jornada ba dala tolu iha jogu Segunda Divisaun Liga Futebol  Amadora (LFA) ho nia adversariu Lica-Lica Lemorai  ho eskoru 2-3 iha kampo FFTL Dili, Tersa (17/04/2018).

Klasmen II Divizaun Liga Futebol Amadora (LFA)

Ho derota ne’e, Portu Taibessi kontinua la muda hosi pozisaun 11 tamba sedauk hetan pontu. Entertantu Lica-Lica Lemorai ne’ebe antes ne’e iha pozisaun 9, sa’e ba pozisaun 6 ho pontus 4.

Golu tolu Lica-Lica Lemorai nian rua hatama hosi ain jogador Dionisio da Costa (26) iha minutu 7’ no 36’. Golu ida seluk hatama hosi Nelson Adelino iha minutu 7.

Portu Taibessi nia golu hatama hosi Fredirico Sila iha minutu 27’ no Claudio Araujo iha minutu 77’.

Treinador Portu Taibessi, Agustinho Nunes sente triste tamba hosi jogu tolu ne’ebe sira halao, sedauk hetan pontu.

Treinador Portu Taibessi Agustinho Nunes. Photo:TTN/Hortencio Sanches

“Ba oin ami sei hadia diak liu tan maski lakon dala tolu ona, kondisaun ami nian mak hanesan ne’e ona, maibe hau kontinua esforsu nafatin hodi lori ekipa ne’e sai hosi lina mean,” dehan Agustinho.

Tuir nia, lakon ne’ebe sira hetan tamba jogador lakon iha mentalidade no fiziku, nune’e nia promote sei hadia tan iha parte hirak ne’e.

Iha fatin hanesan, Treinador Lica-Lica, Octavio sente haksolok maibe nia sei kontinua fo materia ne’ebe diak nafatin ba jogador sira nune’e hasoru jogu ne’ebe tuir mai hetan nafatin vitoria.

Treinador Lika-Lika Lemorai Octavio Photo: TTN/Hortencio Sanches

“Sente kontente, maibe ami la para iha ne’e deit, ba oin kontinua treinu nafatin atu nune’e jogu tuir mai hatudu nafatin prestasaun ne’ebe diak,” dehan Treinador ne’e.

Jogu refere dirizi hosi Arbitu Pedro Carvalho Juiz lina Antonio Carvalho no Romario Malitete konsege fo kartaun kinur ba jogador sira ne’ebe halo ero ihakampo larak bainhira jogu lao hela hanesan, Portu Taibessi Adao Filipe 29’, Honorio Viegas 48’, Nelvio Almeida 90+1’ no Lika-Lika Manuel Carmo 25’, Nelson Nasimento 87’.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here