Home dezenvolvimentu Lere: Se Mak Lakoi Ukun An Lalika Koalia Barak

Lere: Se Mak Lakoi Ukun An Lalika Koalia Barak

11809
0
SHARE
Xefe Estadu das Forsas Armada, Maijor Jeneral Lere Anan Timur. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Xefe Estadu Maior das Forsas Armada F-FDTL, Maijor Jeneral Lere Anan Timur husu ba ema hirak ne’ebe uluk lakoi Timor – Leste ukun rasik an diak liu lalika koalia demais hodi soran lideransa sira.

“Hau la koi halo diskriminasaun, maibe ema sira ne’ebe uluk lakoi ukun an diak liu lalika koalia demas, hau sei la haluha bainhira inimigu indonezia sai hosi Timor dehan imi bele ukun an maibe imi sei la hakmatek, ne’e mak sira ne’ebe lakoi ukun an diak liu ita hamutuk hanesan Timoroan dezenvolve ita nia nasaun,” dehan Lere ba Jornalista hafoin remata sorumutu ho Prezidente Republika (PR) Francisco Guterres Lu-Olo iha Palacio Prezidencial Bairu-Pite Dili, Tersa (17/04/2018).

Eis Guirilleru ne’e dehan, kadoras minarai atu dada mai Timor – Leste ou lae laos problema povu nian maibe ida ne’e, problema lideransa sira nian. Tanba ne’e so lider sira mak iha kompetensia atu rezolve.

“Problema kona ba Fronteira Maritima ka, kadoras atu mai Timor ita tenke fo konfiansa tomak ba sira nain hira ne’e, atu Fronteira Maritima tenke metin kadoras tenke mai Timor so sira nain hira, ita sira ne’e lalika koalia, ita  so para soran deit sira,” dehan ema numeru ida iha F-FDTL ne’e.

Alende ne’e, lider F-FDTL ne’e husu mos ba Veteranus hotu iha Timor – Leste atu tur hakmatek iha fatin hodi akompaina prosesu dezenvolvimentu ne’ebe daudauk ne’e lao no husik politiku sira halo sira nia kampaina.

“Husu mos ba beleun Veteranus sira tur nonok husik ba maun sira mak halo sira nia polituk, atu trata malu hatun malu mos husik ba, atu tolok malu mos  husik ba sira mak koalia ba malu ita tur nonok hodi assiste deit,” dehan Lere.

Entretantu, reuniaun ho PR Lu-Olo, Lere informa situasaun seguransa durante ne’e ba Xefe estadu no mos koalia kona ba prosesu oinsa atu fo seguransa ba povu no nasaun bele moris iha estabilidade no paz.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here