Home dezenvolvimentu Alkatiri: Halo Politika Labele Fó Impaktu ba Dezenvolvimentu

Alkatiri: Halo Politika Labele Fó Impaktu ba Dezenvolvimentu

561
0
SHARE
Sekretario Jeral FRETILIN Mari Alkatiri hato'o hela programa politika ba militante no simpatizante iha Munisipiu Covalima. Photo: Facebook/Manuel Wono

By: Fidelio RAMOS

THETIMOR-NEWS.com, Viqueque – Seklretariu Jeral Partidu FRETILIN Mari Alkatiri hatete, halo politika tenke iha planu no programa ne’ebe diak hodi loke dalan ba investor hotu atu haburas dezenvolvimentu, labele halo politiku fo impaktu ne’ebe la diak ba dezenvolvimentu.

Lider masimu FRETILIN Alkatiri hato’o lia hirak ne’e iha kampaina FRETILIN ne’ebe halo iha Munisipiu Viqueque, Tersa (17/04/2018).

“Ita halo Politik atu liberta povu, laos rejeita buat hotu  hodi fo impaktu ba dezenvolvimentu. Tanba programa VII governu programa ida maziku, hodi hadia sistema iha rai laran nune’e povu tomak  mos gosta programa refere,” dehan Alkatiri.

Lider ne’e dehan, Timor – Leste iha potensia bo’ot ba area hot-hotu, li-liu agrikultura no Turismu no buat hirak ne’e tama hotu iha planu no programa VII Governu nian atu dezenvolve area hirak ne’e ho diak, nune’e labele depende bebeik ba rendimentu minarai nian.

Hare ba programa FRETILIN nian ne’ebe hakarak kore povu hosi kiiak no mukit, eis deputada I lejislatura bankada FRETILIN Madalena Fernandes hatete, FRETILIN sei manan maioria iha munisipiu ne’e.

“Ami Munisipiu Viqueque durante tinan barak ona iha suku barak  mak seidauk asesu ahi eletrisidade, maibe ami haree VII governu ne’ebe lidera husi FRETILIN foin mak fulan 6 deit mos komesa tau ona besi rin eletrisidade ba suku hirak ne’ebe mak seidauk asesu,” dehan eis deputada ne’e.

Nia dehan, oras to duni ona ba povu hotu atu fo votus ba FRETILIN atu ukun no dezenvolve nasaun ne’e sai buras liu.

Tuir nia, durante tinan barak ona FRETILIN tur hanesan opoziosaun iha Parlamentu Nasional hare buat barak Governu anterior sira halo la los, gasta osan barak maibe ladun fo rezultadu ne’ebe diak.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here