Home dezenvolvimentu Xanana: Vota AMP Atu Lori Kadoras GSR Mai TL

Xanana: Vota AMP Atu Lori Kadoras GSR Mai TL

1008
0
SHARE
Prezidente AMP Kay Rala Xanana Gusmao esplika hela programa prioritariu AMP nian ba militante sira iha kampaina ne'eba halo iha munisipiu Ermera. Photo: TTN/Hortencio Sanches

By: Hortencio SANCHES

THETIMOR-NEWS.com, Glenu – Prezidente Aliansa Mudansa ba Progresu (AMP), Kay Rala Xanana Gusmão husu ba povu tomak fo fiar ba nia atu nune’e bele lori kadora Greater Sun Rise (GSR) mai Timor – Leste nune’e bele dezenvolve nasaun ne’e ba oin ho diak.

Lider Xanana Gusmao hatudu no esplika hela lina maritima entre Timor -Leste no Australia ba militante AMP iha kampaina ne’ebe halo iha munisipiu Ermera. Photo: TTN/Hortencio Sanches

“Imi fo fiar mai hau agora ita sei dada kadoras mai Timor – Leste, nune’e tenke fo fiar mai AMP,” dehan lider karismatiku Xanana Gusmão ba militante AMP iha kampaina ba dala-lima, iha Kampo Futebol Gleno, Autoridade Munisipiu Ermera, Segunda (16/04/2018).

Lider ne’e haktuir, luta ne’ebe daudauk ne’e nia halo tanba lider balun durante ne’e halo pinor tia rikusoin Timor – Leste nian ba nasaun seluk hanesan Australia.

Tamba ne’e, eis Komandante FALINTIL ne’e husu ba povu Ermera tomak labele vota sala, tenke fo fiar ba sira atu nune’e bele hadia povu nia moris.

“Ermera imi fo fiar mai ami, liu hosi vota ba AMP tanba ho AMP atu bele hametin nasaun, hamutuk se mak atu hamutuk, ita mak hamutuk, ita hotu hamutuk mak hametin nasaun,” dehan lider masimu AMP ne’e.

Lider Karismatiku Kay Rala Xanana Gusmao. Photo: TTN/Hortencio Sanches

Lider ne’e esplika, Aliansa no Mudansa ba Progresu signifika atu halo mudansa no progresu ba povu tomak inklui Ermera.

“Ami hamutuk sei lori imi ba moris diak maibe imi mak sei disidi tanba ne’e mak ohin ita hamutuk iha fatin ida ne’e, hau la fiar FRETILIN hatudu ona sira nia programa, sira haksoit hosi ida ba fali buat seluk,” dehan Xanana.

Alende ne’e, lider ne’e dehan, bainhira AMP kaer ukun iha tinan lima nia laran sei hakotu problema veteranus ne’ebe to agora seidauk rezolve.

Editór: Evangelisto SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here