Home nasional Lugu Deside Apoiu Xanana-Taur

Lugu Deside Apoiu Xanana-Taur

592
0
SHARE
Lider AMP Kay Rala Xanana Gusmao no Taur Matan Ruak hakuak maluiha kampaina AMP nian iha Munisipiu Ermera. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Prezidente Partidu Frente Mudansa (FM), Jose Luis Guterres (Lugu) deklara ofisialmente fo nia apoiu ba lider Kay Rala Xanana Gusmao no Taur Matan Ruak.

Razaun Lugu fo apoiu ba Xanana no Taur Matan Ruak nudar lider masimu AMP (Aliansa Mudansa ba Progresu) tamba hare’e daudauk ne’e lider balun komesa nega ona FALINTIL nia luta ba nasaun ne’e.

Prezidente Frente Mudansa (FM) Jose Luis Guterres. Photo: Spesial

“Hau lakoi husik hau nia maun nain rua, Xanana-Taur, ami sira mai hosi rai liur hakarak halo monu sira nain rua, hau sei la simu ida ne’e no imi hotu sei la simu, koalia kona ba fundador buat barak mak sira koalia la los, sira koalia maun Xanana hanesan la vale los, ida ne’e mak hau mai iha ne’e atu fo sasin, hau mai ho domin atu apoiu sira nain rua,” dehan Lugu iha Kampana AMP nian  ne’ebe halo ba dala lima iha Kampu Futebol Gleno, Autoridade Minisipiu Ermera, Tersa (16/04/2018).

Lugu dehan, nia mos bainhira prosesu luta ba libertasaun hanesan mos diplomata iha nasaun liur hamutuk ho lider sira seluk hanesan Mari Alkatiri, Jose Ramos Horta no lider seluk. Tanba ne’e nia prezensa iha kampana AMP nian atu fo apoiu ba lider Xanana no Taur ne’ebe daudauk ne’e ema barak komesa nega ona sira nia luta.

Daudauk ne’e, FM ne’ebe lidera hosi Lugu hamutuk ho partidu PUDD, PDN, UDT hari’i bloku koligasaun ho naran FDD (Front Dezemvolvimentu Demokratiku) ne’ebe sai mos konsestante iha eleisaun antesipada, maibe lider masimu hosi FM ne’e deklra ona atu fo apoiu masimu ba AMP liu-liu lider nain rua Xanana- Taur atu nune’e bele manan iha eleisaun antesipada.

Editór: Evangelisto SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here