Home dezenvolvimentu AMP Sei Asselera Dezenvolvimentu ba Povu Tomak

AMP Sei Asselera Dezenvolvimentu ba Povu Tomak

1406
0
SHARE
Portavoz AMP Taur Matan Ruak esplika hela programa AMP nian ba militante AMP iha kampaina ne'ebe halo iha Munisipiu Ermera. Photo: TTN/Hortencio Sanches

By: Hortencio SANCHES

THETIMOR-NEWS.com, Glenu – Portavoz Bloku Aliansa Mudansa ba Progresu (AMP) Taur Matan Rua afirma, sira sei halo dezenvolvimentu  ne’ebe diak ba Timor – Leste atu nune’e povu bele ses hosi kiak no mukit.

Militante AMP nian ne’ebe partisipa iha kampaina AMP ne’ebe halo iha Munisipiu Ermera. Photo: TTN/Hortencio Sanches

“Ita nia programa hakarak hadia estrada sira diak hotu, dada be’e mos ba povu tomak, estrada laos to deit iha ne’e, Hatolia tenke liga ba Maliana, Atsabe liga ba Bobonaro, Suai tun fali ba Zumalai, ida ne’e ita tenke halo, laos dehan la halo lae, tenke halo,” dehan Taur Matan Ruak ba Militante AMP iha kampaina ba dala lima, iha kampu Futebol Gleno, Autoridade Munisipiu Ermera, Tersa (16/04/2018).

Lider ne’e esplika, dezenvolvimentu iha area estrada ezemplu mak hanesan diresaun Dili-Gleno ne’ebe kapas tebes no agora ema barak halo movimentu ba mai ho diak.

“Estrada ne’ebe mak halo ona ezemplu mak hanesan diresaun Dili mai Glenu, estrada ne’e ke’e hau sei assume kargu hanesan Prezidente Republika, maibe hau nia mandate seidauk remata, estrada ne’e remata ona ema hotu halo movimentu ba mai ho diak,” dehan Taur.

Nia hatutan, dezenvolvimentu hosi rezultadu ukun tinan 10 mak agora daudauk ema barak goza ona hanesan eletrisidade no seluk tan maski ema barak dehan rezultadu laiha durante Xanana Gusmão nia ukun.

“Estrada Dili ba Aileu  ba Maubisi komesa ke’e daudauk ona, hosi parte leste nian  mos komesa ke’e ona, ida ne’e planu hosi  ukun tinan 10 nian, agora sira dehan fali ukun laiha rezultadu, sira dehan hau PLP no KHUNTO karik los tanba ami foin mak hetan kadeira iha eleisaun 2017 ne’e, maibe dehan fali maun bo’ot ne’e lalos ona,” dehan Taur.

Editór: Evangelisto SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here