Home dezenvolvimentu Kria Kondisaun ba Povu, Tenke Dezenvolve Setor Agrikultura

Kria Kondisaun ba Povu, Tenke Dezenvolve Setor Agrikultura

3763
0
SHARE
Sekretariu Jeral FRETILIN Mari Alkatiri hato'o hela programa ba militante FRETILIN nian iha munisipiu Aileu. Photo: Media/FRETILIN

By: Fidelio RMOS

THETIMO-NEWS.com, Aileu Sekretariu jeral Partidu Frente Revolucionaria Timor-Leste Independente (FRETILIN) Mari Alkatiri hatete, tenki dezenvolve sektor agrikultura atu nune’e bele kria kondisaun moris ba povu.

“Agrikultura halo hodi liga apoiu ekonomia merkadu, maibe tenki iha irigasaun hodi nune’e to’o iha tempu bailoron be’e labele falta maibe irigasaun barak lao ona maibe kontinua la hadia no dezevolve,” dehan Alkatiri iha kampaina FRETILIN nian ba dala ne’en, iha kampo futebol Munisipiu Aileu, Domingu (15/04/2018).

Sekretariu Jeral FRETILIN Mari Alkatiri hato’o hela programa ba militante sira iha kampaina. Photo: Media/FRETILIN

Tanba ne’e, lider ne’e dehan, Programa VII Governu nian atu dezenvolve setor hotu atu nune’e bele lori moris diak ba povu no programa ne’ebe iha mai hosi Planu Estrateziku Dezenvolvimentu Nasional (PEDN).

“Programa hirak ne’ebe iha ne’e, mai hosi PEDN ne’ebe iha, hau bele dehan membru Governu barak hosi VI to VI Governu ladun hatene saida mak PEDN tanba barak nunka atu le programa ne’e, ne’e mak iha ministeriu sira ne’e halo servisu ho deit sira nia planu, Obras Publiku halo estrada Turismu no SEFOPE mos ba halo estrada ne’e lalos halo sasan tuir ida-idak nia planu,” dehan Alkatiri.

Tuir nia, atu dezenvolve area Turismu tenke liga hamutuk ho agrikultura tanba parte kosta sul iha rai ne’ebe bokur barak maibe tenke dezenvolve diak atu nune’e bele fo venefisiu diak.

Bainhira atu dezenvolve setor hirak ne’e, tenke trata investor sira hosi rai  liur atu halo paarseiru dezenvolvimentu nune’esetor publiku tenke loke mos dalan ba investidor sira.

Lider masimu FRETILIN ne’e akresenta, halo politiku hodi  dezenvolve povu nia moris laos atu halo rezeita ba buat hotu liu-liu programa diak ne’ebe povu barak gosta.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here