By: Fidelio RAMOS
THETIMO-NEWS.com, Manufahi – Sekretariu Jeral partidu Frente Revolucionaria Timor-Leste Independente (FRETILIN) Mari Alkatiri hatete, tempu to’o ona FRETILIN liberta pvu hodi hasai hosi nakukun laran.
Alkatiri hato’o lia hirak ne’e, ba militante no simpatezante partidu FRETILIN iha kampainia ba dala lima ne’ebe, halo iha eis merkadu Munisipiu Manufahi, Sabadu (14/04/2018).
“Hau mai iha ne’e atu aprezenta programa VII ba VIII governu agora oras to’o ona atu liberta patria no fo mos valor ba ita nia sakrefisiu tomak,”dehan Alkatiri.
Alende ne’e, nia esplika mos programa VII Governu ba militante FRETILIN iha kampaina ne’e katak, programa ne’ebe iha atu hametin independensia no hasai povu hosi kiak.
Tuir lider ne’e, bainhira habelara dezenvovimentu hahu dezenvolve husi area agrikultura tanba realidade iha Timor – Leste natar barak mak abandona no paradu.
Nune’e, FRETILIN iha politiku ne’ebe diak hodi dezenvolve agrikultura Timor – Leste lao diak hodi fo mos rendimentu ba estadu.
Daudauk ne’e, Timor – Leste sei depende makas ba osan hosi minarai no ladun tau importansia ba agrikultura no seluk tan.
“Minarai ne’ebe dadauk nasaun ne’e utiliza hanesan Maromak mak fo ba ita atu halo dezenvolvimentu laos gasta tun sae arbiru deit,” dehan Alkatiri.
Entretantu , iha parte seluk lider masimu FRETILIN ne’e preokupa no triste bainhira hare estatua D. Boaventura ne’ebe hari ona maibe seidauk dezenvolve ho diak.
Editór: Hortencio SANCHES I COPYRIGHT THETIMORNEWS © 2018
