Home SPORTIVO Semifinal LE: Arsenal Hasoru Atletico Madrid

Semifinal LE: Arsenal Hasoru Atletico Madrid

234
0
SHARE
Rezultadu dada rifa semifinal Liga Europeia, klubu zigante rua Arsenal ho Atletico Madrid tenki "oho" malu uluk iha semifinal. TTN/Evanglelisto Santos

By: Evangelisto SANTOS

THETIMOR-NEWS.com, NYON – Klubu premier League Inglateral, Arsenal tenki hasoru adversariu todan hosi Espana, Atletico Madrid iha semifinal Liga Europeia ne’ebe sei halao iha 26 Abril 2018.

Rezultadu jogu ne’e desidi liu hosi dada rifa ne’ebe halao iha Kuartel Jeral EUFA iha Nyon, Suiza, Sexta (13/04/2018). Entertante semifinal seluk reprezentante hosi Franca, Marseille hetan sadik hosi Salzburg, klubu hosi Austrian ne’ebe halo supreza boot hodi halakon Lazio iha jogu kuartel final.

Arsenal sei sai uma nain dahuluk wainhira hasoru Atletico Madrid.

Jogu entre Arsenal vs Atletico Madrid bele hateten nudar jogu final iha Liga Europeia tuir ema barak nia hakarak tamba hare’e hosi forsa klubu rua nian ne’e merese duni atu hasoru malu iha final.

Iha jogu seluk, Marseille sei sai mos uma nain dahuluk wainhira kontra Salzburg.

Jogu final Liga Europeia sei halao iha Lyon, Franca iha 16 Maiu 2018 ou 17 maiu 2018 oras Timor-Leste nian.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here