Home SPORTIVO Semifinal LC: Munchen vs Madrid, Liverpool vs As. Roma

Semifinal LC: Munchen vs Madrid, Liverpool vs As. Roma

230
0
SHARE
Bayern Munchen sei hasoru Real Madrid iha semifnal no Liverpool kontra AS. Roma. (TTN/Evangelisto Santos)

By: Evangelisto SANTOS

THETIMOR-NEWS.com, NYON – UEFA desidi ona jogu semifinal Liga Champion (LC) liu hosi dada rifa ne’ebe lori klubu eropa boot nain 4 hanesan AS. Roma (Italia), Bayer Munchen (Alemana), Liverpool (Inglatera) no Real Madrid (Espana) hodi hasoru malu.

Lejenda Ukraina, Andriy Shevchenko hatudu rezultadu dada rifa jogu semifinal Liga Champion ne’ebe halao iha Kuartel Jeral UEFA iha Nyon, Suiza, Sexta (13/04/2018). Photo: Google.com

Iha dada rifa ne’ebe halao iha Sexta (13/04/2018) iha Nyon, Suiza, dada rasik hosi lejenda Ukraina, Andriy Shevchenko ho nia rezultadu maka Real Madrid sei hasoru Bayern Munchen no Liverpool kontra AS. Roma.

Jogu semifinal ne’e rasik leg dahuluk sei halao iha 24-25 Abril 2018 no leg daruak sei halo iha 1 no 2 Maiu 2018.

Iha leg dahuluk, Real Madrid ho Liverpool mak sai uma nain uluk.

Hare’e hosi head to head klubu haat ne’e, Liverpool vs Roma, klubu rua ne’e hasoru malu ona dala lima ho rezultadu Liverpool manan dala rua, Roma manan dala ida no sira empata dala rua.

Taca Liga Champions

Madrid ho Munchen hasoru malu ona dala 24. Madrid manan 11, Munchen 11 no empata 2.

Jupp Heynkes hateten rezultadu dada rifa semifinal Liga Champion lori nia hanoin hikas wainhira lori nia ekipa hetan treble winer iha 2013.

“Hau hakarak hateten ne’e rezultadu (dada rifa) ne’ebe bulak, jogu ne’ebe grande, hosi persfektiva pozitivu,” dehan Jupp Heynkes ba UEFA.com.

Jogu final LC 2018 sei halo iha Sidade Kiev, Ukraina.

Editóra: Agida DOS SANTOS I COPYRIGHT THETIMORNEWS © 2018