Home nasional Labele Lori Istoria Hodi Hetan Votos

Labele Lori Istoria Hodi Hetan Votos

564
0
SHARE
Prezidente PD, Mariano Assanami Sabino. Photo: Spesial

THETIMOR-NEWS.com, Iliomar – Partidu Democratico (PD) nudar partidu jerasaun apela ba nia militante no jerasaun foun sira atu labele lori istoria luta ukun rasik an hodi hetan votos.

Prezidenti PD, Mariano Assanami Sabino hatete, jerasaun foun tenke uza matenek hodi halo programa atu sai membru Parlamentu Nasional no labele uza katuas sira nia naran hodi buka votus.

Assanami afirma, jerasaun foun sira ne’ebe uza katuas sira nia naran hodi buka votus iha eleisaun Parlamentar konsidera laiha moral.

“Nudar Jerasaun foun tenke tau aman sira iha fatin hodi respeitu, maibe jerasaun foun sira ne’ebe matenek uza fali aman sira nia istoria hodi manan votus ne’e laiha moral,” dehan Assanami iha kampaina da-rua PD nian iha Munisipiu Lautem Postu Administrativu Iliomar, (12/04/2018), tuir publikasaun portal PD nian.

Nia hatutan, hanesan jerasaun foun ne’ebe mesak matenek no doutor tenke uza rasik matenek ne’ebe iha hodi kria programa atu fan ba povu.

“Ita labele halo fali aproveitamentu ba istoria aman sira nian hodi manan votus atu atinji objetivu politiku ba kaer poder,” dehan Assanami.

Lider Jerasaun foun ne’e dehan, PD hanesan jerasaun FRETILIN no FALINTIL nian oan hosi Kay Rala Xanana Gusmao, Lere Anan Timur, Lu-Olo, Mari Alkatiri, Rmos Horta no luta nain seluk tan.

“Partidu Demokratiku luta nain sira nia jerasaun iha komitmentu atu kontinua obra sira hodi halo dezenvolvimentu hodi hasai povu hosi ki’iak no  mukit,” dehan lider foin sae ne’e.

LEAVE A REPLY

Please enter your comment!
Please enter your name here