Home dezenvolvimentu Dezenvolve Setor Turismu Tenke Halo Estudu Profundu

Dezenvolve Setor Turismu Tenke Halo Estudu Profundu

196
0
SHARE
Sekretariu Jeral FRETILIN Mari Alkatiri hato'o hela programa ba militante sira iha kampaina. Photo: Media/FRETILIN

By: Fidelio RAMOS

THETIMOR-NEWS.com, AINARO – Sekretariu Jeral Frente Revolucionaria Timor – Leste independente (FRETILIN) Mari Alkatiri hatete, atu dezenvolve setor Turismu ho diak tenke halo estudu ida ne’ebe profundu atu nune’e bele dada turista sira vizita barak.

Tanba Ainaro no Maubessi iha potensialidade bo’ot iha area Turismu, lider masimu FRETILIN ne’e dehan, bainhira FRETILIN manan kaer Governu tenke dezenvolve hahu hosi Maubessi to Ainaro.

Militante FRETILIN Ainaro partisipa hela kampaina FRETILIN nian ne’ebe halo iha kampo futebol Ainaro vila. Photo/media FRETILIN

“Ainaro iha pontesilidade hahu husi maubise iha fatin barak furak tebes, hanesan Ramelau no kablaki be’e nasulin sai makas los tanba ne’e ita tenki presiza dezenvolve no iha estudu ida profundu maibe labele kolia deit,” dehan Alkatiri ba militante no simpatezante partidu FRETILIN iha kampo Soru Ainaro vila Sexta, (14/04/2018).

Nia esplika, bainhira setor Turismu iha Timor – Leste lao diak ona sei hatma reseitas barak ba estadu liu hosi turista hirak ne’ebe vizita no sei la depende bebeik ba osan hosi mina rai.

Alende ne’e, Timor – Leste mos iha fatin Turismu Relijioza barak hanesan Soibada, Maliana, Ossu no Oecuse bele dezenevolve mos hanesan sentru relijioza nian maibe Governu tenke iha palnu ida ne’ebe diak hodi kria uluk kondisaun infrastrutura.

Nia hatutan,  bainhira halo ona servisu hodi dezenvolve area hirak ne’e, Governu tenke servisu ho ekipa laos servisu mesak no lao deit ba liur ho avontade maibe rejultadu servisu ladun iha.

“Ita hare tinan  10 nia laran gasta ona osan 14 bilioens, maibe rezultadu laiha, dezenvolvimentu kontinua hakdasak nafatin,” dehan Alkatiri.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here