Home nasional Apoiu FRETILIN Laos Buka Pozisaun

Apoiu FRETILIN Laos Buka Pozisaun

1011
0
SHARE
Lucia Lobato hosi klaran, sorin liman los Sekretariu Jeral FRETILIN Mari Alkatiri no sorin liman karuk Abilio Araujo. Photo: media FRETILIN

By: Fidelio RAMOS

THETIMOR-NEWS.com, Manufahi – Lideransa Partidu Sosial Demokrata (PSD) Lucia Lobato deklara ofisialmente apoiu ba Partidu Frente Revolucionaria Timor – Leste Independente (FRETILIN) iha eleisaun antesipada maibe laos atu buka fatin.

Lucia Lobato deklara Fila ba FRETILIN iha kampaina ba dala lima ne’ebe halo iha eis merkadu Manufahi, Sabadu (14/04/2018).

“Hau senti haksolok hau haree iha kampo ne’e mesak kor mean deit, liafuan badak ne’ebe hau atu hato’o ba doutor Mari Alkatiri mak atu mai apoiu laos atu husu fatin ruma no laos mai atu halo kampainia maibe atu fo apoiu,” dehan Lucia Lobatu.

Nia dehaan, ema ne’ebe fo  moris diak ba povu  agrikultura sira mak Mari Alkatiri. Tanba ne’e, bainhira kaer Governu sei lori povu no nasaun ne’e ba oin.

Alende ne’e, iha mos organizasaun hosi Kadalak Sulimutu hosi partidu tolu CNRT, PLP no ASDT kompostu hosi ema nain hat, deklara mos fila ba FRETILIN hodi fo vitoria iha eleisaun antesipada.

“Ami deklara ba kamarda sira hotu ami nain 4 ne’ebe fila hikas ba uma knua husi ekipa sulimutu hakarak fo apoiu masimu ba partidu FRETILIN tanba nia mak ohin loron Timor ukun rasik an, nune’e ami sei lao buka masa makas liu tan hodi fo vitoria ba FRETILIN iha eleisaun,” dehan portavoz kadalak sulimutu, Maksakur.

Iha fatin hanesan veteranus Tara hatete, kadalak Sulimutu sira rasik mak forma kompostu hosi partidu, CNRT, PLP, CNRT, PUDD no ASDT hodi fo apoiu ba lider masimu FRETILIN Mari Alkatiri iha eleisaun.

Ho nune’e, nia husu bapovu hotu atu vota ba FRETILIN iha eleisaun tanba partidu ne’e mak lori independensia mai Timor – Leste.

“Maluk oan ki’iak sira ne’ebe ain tohar no balu sai vitima no balu kilat musan iha isin lolon ne’e, mai husi ne’ebe, agora tempu to’o ona fila ba vota FRETILIN hodi haburas rai ne’e,” dehan Tara.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here