Home nasional Abilio Araujo: FRETILIN Sei Kombate Korupsaun

Abilio Araujo: FRETILIN Sei Kombate Korupsaun

340
0
SHARE
Lider Fundador RDTL Abilio Araujo, Photo: TTN/Hortencio Sanches

By: Fidelio RAMOS

THETIMOR-NEWS.com, AINARO – Fundador FRETILIN, Abilio Araujo hatete, uniku programa Frente Revolucionaria Timor-Leste Independente (FRETILIN) nian mak diak tanba hakarak halao dezenvovimentu no kombate korupsaun iha Timor – Leste. 

Militante FRETILIN Ainaro partisipa hela kampaina FRETILIN nian ne’ebe halo iha kampo futebol Ainaro vila. Photo/media FRETILIN

“Programa FRETILIN  deit mak kombate korupsaun hodi foti povu, atu liberta povu husi ki’iak no mukit no salva fali osan hirak ne’ebe gasta ona,” dehan Abilio iha kampaina FRETILIN iha kampo Soru Ainaro vila, Sexta (14/04/2018).

Tanba ne’e, nia husu ba Joven familia no uma lisan hotu hosi Munisipiu Ainaro tente vota ba FRETILIN atu bele lori povu hotu sai hosi sofrementu ne’ebe daudauk ne’e iha.

“Iha tinan sanulu nia laran osamentu biliaun 14 mak gasta no laiha nia rezultadu ba dezenvovimentu maibe iha obra balun halo maibe konsege lakon tanba obra laiha kualidade no pior liu tan mak lakon no tau deit iha bolsu,” dehan Abilio.

Hare ba dezenvolvimentu sei lao hakdasak lider ne’e haktuir, “Ami liu husi Munisipiu barak e hare situasaun hanesan deit horseik ami liu jalan tol Covalima nian ita hateke ba istrada sorin-sorin hare uma sira kalen ne’e hansa los fornu deit.”

Hare ba realidade hira ne’e, nia hakarak hamutuk ho Jerasaun 74-75  hamrik hamutuk hodi fo liman ba malu hodi apoiu FRETILIN sai vitoria iha eleisaun 2018.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here