Home nasional Ense Golu ba Cacusan, Karketu Provizoriu Lidera Klasifikasaun

Ense Golu ba Cacusan, Karketu Provizoriu Lidera Klasifikasaun

168
0
SHARE
Jogador Cacusan FC tenta hosi kotuk atu hadau sai bola hosi Jogador Karketu Rofino Gama nia ain. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Klubu Karketu Dili FC provizoriu lidera klasifikasaun jornada da-hat ho pontus 10 Liga Futebol Amadora (LFA) bainhira ense golu ba nia adversariu Cacusan FC ho eskoru 5-0 iha Kampo FFTL, Sexta (13/04/2018).

Tim Klubu Karketu Dili FC. Photo: TTN/Hortencio Sanches

Tanba lakon ho Karketu Cacusan kontinua tur iha lina degradasaun pozisaun da-hitu ho pontus ida.

Golu vitoria Klubu kapital Dili ne’e, da-huluk auto golu, daruak marka hosi Anito Sesario minutu 32’ Ruben Borges 39’, Francyatma Kefy 45’ no ikus liu Rofino Gama 65’,77.

Jogu ne’e lidera hosi arbitu, Nivio Fernandes Juiz lina Filomeno da Silva no Romario Malitete konsege fo kartaun kinur ba jogador Karketu Filipe Oliveira tanba halo eiru iha kampo laran bainhira jogu lao namans hela.

Tim hosi Cacusan FC Photo: TTN/Hortencio Sanches

Hare ba rejultadu jogu ne’ebe lao diak tebes, Trinador Karketu Arkan hatete, sente kontente tanba nia ekipa manan ho golu ne’ebe bo’ot  maibe iha parte balun sei presiza hadia atu nune’e ba oin sai diak liu tan tanba jogu sei naruk.

“Jogu ohin diak maibe ami sei hadia tan iha parte balun atu nune’e jogu tuir mai bele sai diak liu ida ne’e,” dehan Treinador ne’e.

Iha sorin seluk treinador Cacusan Fernando Baptista hatete, sente triste maibe ba oin nia sei esforsu hodi lori ekipa ne’e sai hosi lina mean degradasaun.

“Ohin jogu diak tebes maibe rejultadu mak nune’e ona maibe jogu sei naruk hau koko atu hadia  diak liu tan,” dehan Fernando.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here