Home nasional Mídia Parpol Balun Halo Diskriminasaun ba Jornalista

Mídia Parpol Balun Halo Diskriminasaun ba Jornalista

492
0
SHARE
Bandeira Partidu Politiku ualu ne'ebe atu kompete iha eleisaun antesipada. Photo: Espesial

By: Hortencio SANCHES

THETIMOR-NEWS.com, DILI – Mídia Partidu Politiku (Parpol) balun halo diskrimasaun ba Jornalista bainhira atu partisipa no halo kobertura iha atividade Kampaña politiku ne’ebe atu kompete iha eleisaun antesiapada.

Tuir informasaun mídia ne’ebe halo diskriminasaun ba Jornalista laos foin dala ida, maibe dala rua ona ne’ebe akontese mos iha kampaina politiku eleisaun parlamentar 2017.

Jornalista diario Timoroman, Floriano Soares. Photo: Facebook/Floriano Soares

Jornalista Diario Timoroman, Floriano Soares hanesan vitima ba hahlok hosi mídia Partidu Demokratiku (PD) hatete, sente triste tebes tanba mídia hosi PD ne’ebe organiza Jornalista sira halo kobertura ba kampaina 2018 halo diskriminasaun bo’ot ba nia.

“Durante ne’e, hau hetan orientasaun hosi hau nia redasaun atu tuir PD hodi halo kobertura ba sira nia atividade kampaina, maibe hau ba hasoru sira nia mídia partidu no sira dehan mai hau o hein deit mak ami kontaktu o maibe hau hein laiha ema ida mak kontaktu hau, ida ne’e laos foin agora maibe tinan kotuk mos sira halo hanesan ne’e to kampaina hotu mos hau sira la kontaktu, maibe Jornalista sira hosi mídia seluk sira lori, hanesan Timor Post, Independent, no STL,” dehan Floriano ba THETIMOR-NEWS iha nia rezidensia Perunas Dili, Kinta (12/04/2018).

Nia haktuir tan, “Hau tristi liu maka bainhira hau konfirma ho Jornalista sira ne’ebe ami hamutuk atu tuir PD hodi halo kobertura ba sira nia kampaina, sira dehan mai hau PD ne’e o tenke liu hosi ami kuandu la liu hosi ami entaun o la tuir ida, lia fuan ida ne’e mak halo hau nia laran moras no ida ne’e mak hau konsidera sira halo duni diskriminasaun,” dehan Floriano.

Alende ne’e, Jornalista THETIMOR-NEWS sai mos vitima ba hahalok mídia Bloku Aliansa Mudansa ba Progresu (AMP) ne’ebe halo  diskriminasaun ba Jornalista atu halo kobertura iha atividade  kampina partidu ne’e nian.

Tuir Kronologia ne’ebe iha, Jornalista ne’e nia redasaun halo konfirmasaun ona ho mídia AMP nian hodi haruka Jornalista ne’e tuir partidu refere atu halo kobertura ba kampaina, maibe derepente mídia hosi AMP nian halo empede ba Jornalista ne’e hodi labele tuir razaun katak kareta laiha maibe Jornalista hosi mídia seluk bele tuir.

Prezidente Konsellu Imprensa (KI) Vrigilio Guterres. Photo: Espesial

Tanba  ne’e, Konsellu Imprensa (KI) liu hosi Prezidente Virgilio Guterres husu ba Partidu Politiku hotu labele halo diskriminasaun ba Jornalista sira atu halo kobertura ba atividade kampaina.

“Hau hanoin hanesan responsavel iha Konsellu Imprensa orgaun independente ida ne’e atu tau matan ba servisu Jornalismo nian hakarak apela ba Partidu Politiku sira labele halo diskriminasaun ba Jornalista sira, kuandu ba, ba hotu labele fasilita balun deit,” dehan Vrgilio.

Nune’e, nia husu ba Jornalista hirak ne’ebe hasoru problema hanesan ne’e, labele  nonok maibe  tenke halo keisa hatama ba KI atu bele fo hanoin ba Partidu Politiku sira.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here