Home nasional Lakon ho Ultramar, DIT Kontinua Tur iha Lina Degradasaun

Lakon ho Ultramar, DIT Kontinua Tur iha Lina Degradasaun

173
0
SHARE
Jogador hosi Ultramar tenta hamate bola hosi jogador DIT nia ain. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Klubu Primeira Divizaun husi Munisipiu Manatutu Atletico Ultramar haksoit sai hosi pozisaun 6 hodi okupa kedan iha pozisaun 4 ho pontus 5 hosi jogu dala 4 Liga Futebol Amadora (LFA) bainhira halakon ekipa adversariu DIT FC ho eskoru 3-1 iha kampo Federasaun Futebol Timor – Leste (FFTL) Dili, Kinta (12/04/2018).

Tanba ne’e, Ekpa DIT tenke mantein nafatin iha pozisaun ikus liu iha lina degradasaun iha jogu da-hat ho pontus ida.

Jogador DIT koko atu hadau bola hosi Jogador Ultramar nia ain. Photo: TTN/Hortencio Sanches

Golu vitoria Ultramar da-huluk marka hosi Avansadu Brazileru Fabio Cristian  kamijola 10 iha minute 7’ 13’, ida seluk hosi Celcio Esqurial numeru kamijola 16, 69’ alende golu mesak nian DIT produs hosi Jose Santos 7, 39’.

Jogu ne’e arbitu lidera hosi Pedro Carvalho Juiz lina Antonio Carvalho no Romerio Malitete konsege fo kartaun kinur ba jogadro Ultramar Jacinto Soares iha minute 80’ tanba komete eru iha kampo laran bainhira jogu lao hela enkuantu DIT FC konsege fob a jogador Norberto Goncalves numeru kamijola 24 90+1 tanba komete eru iha jogu laran.

Treinador Ultramar Gaspar Quintao hatete, preformes jogu lao diak tebes entre ekipa rua ne’e maibe sira la dun kontente tanba jogu sei narauk maski nia ekipa vitoria hodi muda pontus ba oin nia sei esforsu hodi treinu nafatin jogador sira ho diak.

Jogador DIT lori hela bola iha ain atu passa ba nia kolega. Photo: TTN/Hortencio Sanches

“Ba oin hau sei hadia diak liu tan jogu ami nian, iha jogu ohin ne’e preforme diak maibe ami sei falla iha parte balun ne’ebe sei presiza hadia,” dehan Gaspar.

Iha sorin seluk Treinador DIT Francisco Cosme afirma, nia ekipa derota tanba jogador sira nia preforme tun tanba golu rua ne’ebe akontese iha primeira parte hosi Jogador estrangeiru Ultaramar nian.

“Ohin iha golu rua ne’ebe Ultramar hatama iha primeira parte ne’e mak halo ami nia jogu mate kedan no Jogador Brazileiru nain tolu hosi Ultramar ne’e mak fo konsikuensia bo’ot mai ami,” dehan Francisco.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here