Home dezenvolvimentu FRETILIN Sei Rezolve Problema Be’e Mos no Saude

FRETILIN Sei Rezolve Problema Be’e Mos no Saude

444
0
SHARE
Sekretario Jeral FRETILIN Mari Alkatiri hato'o hela programa politika ba militante no simpatizante iha Munisipiu Covalima. Photo: Facebook/Manuel Wono

By: Fidelio RAMOS

THETIMOR-NEWS.com, Covalima – Sekretariu Jeral partidu Frente Revolucionaria Timor-Leste Independente (FRETILIN) Mari Alkatiri hatete, Politika FRETILIN nian hakarak dada uluk kadoras be’e mos ba komunidade nia uma tanba to oras ne’e komunidade barak sei halerik ba be’e mos.

Lider masimu FRETILIN ne’e dehan, Timor – Leste fatin barak seidauk assesu be’e mos ho diak liu-liu kapital Dili. Tanba ne’e ba oin FRETILIN ukun sei rezolve problema hirak ne’e.

Militante FRETILIN Suai rpartisipa hela kampaina FRETILIN nian iha Covalima. Photo: Facebook/Manuel Wono

“Nasaun ne’e, fatin barak kontinua infrenta problema be’e mos, ho nune’e agora dadauk ne’e hotu-hotu  luta hakarak lori fali deit kadoras mina nian mai Timor Leste, maibe kadoras be’e mos nian seidauk tama ba komunidade nia hela fatin,” dehan Alkatiri iha Comisiu politiku FRETILIN ne’ebe halao iha kampo Ladi Suai Vila Munisipiu Covalima, Kinta (12/04/2018).

Lider jerasaun tuan ne’e haktuir, Timor – Leste iha osan  ne’ebe barak, maibe durante tinan barak nia laran gasta arbiru deit la halo dezenvolvimentu ida ne’ebe diak ba povu.

 “Laos osan laiha, osan barak tebes maka  gasta ona 14 Biloens ita gasta ona, maibe  kadoras ba deit aldeia ida mos laiha liu, kualidade vida tenke hadia no tau importansia ba be’e mos atu nune’e ema hotu bele moris dignu,” dehan  Alkatiri.

Alende ne’e, FRETILIN iha mos politiku ne’ebe hakarak kria kondisaun ne’ebe diak ba doutor sira atu nune’e bele fo tratamentu ba komunidade sira.

“Presiza iha politika saude nian atu hadok  povu ne’e hosi moras, laos halo politiku atu kura deit moras, tanba saida mak  kura moras ne’e diak liu ba ema barak bele halo bisnis mos ba aimoruk, hadok moras ne’e la hariku ema ida no hadia deit povu nia moris, kura moras sira los buka atu hariku ema,” dehan Alkatiri.

Nune’e FRETILIN iha ona  politiku atu hakbesik doutor sira ba komunidade nia hela fatin atu bele eduka komunidade hotu hadok an hosi moras.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here