Home dezenvolvimentu FRETILIN Sei Manan Absoluta iha COVALIMA

FRETILIN Sei Manan Absoluta iha COVALIMA

2368
0
SHARE
Militante FRETILIN wainhira partisipa iha kampana eleisaun parlamentar iha 2012. Photo: Martine Peret

By: Fidelio RAMOS

THETIMOR-NEWS.com, COVALIMA – Membru Komisariu Politiku Partidu Frente Revolucionaria Timor-Leste Independente (FRETILIN) Munisipiu Covalima Francisco da Costa optimista sei manan maioria iha eleisaun antesipada atu bele haburas nasaun ne’e.

Tanba ne’e, nia promote sei mobiliza tan masa atu fo apoiu ba FRETILIN tanba partidu refere mosu iha 1974 ho prinsipiu rua hakarak liberta patria no liberta povu.

“Ami apoiu FRETILIN tanba nia programa barak mesak diak deit, maibe programa hirak ne’e la’os halo promesa deit maibe ne’e programa duni atu hadia uma ba komunidade  iha suku-suku no hasa’e osan ba ema idozu sira kada fulan $50 dolar,” dehan Francisco ba THETIMOR-NEWS, iha kampo futebol Suai Vila, Kinta (12/04/2018).

Nia dehan, FRETILIN nia programa seriu no hakarak duni atu hadia povu nia moris iha Timor – Leste.

“FRETILIN laos atu halo promesa deit maibe mai hatudu duni programa ne’ebe diak hodi haburas nasaun ne’e,” dehan Francisco.

Iha fatin hanesan reprezentante Juventude FRETILIN Covalima Pedro Soares hatete, nia parte sente haksolok no apoiu FRETILIN atu manan hodi  ukun rai ne’e.

“Hau hanesan Juventude FRETILIN sente haksolok tebes tanba FRETILIN nia programa diak no promote bainhira sira manan sei ativa hikas fali artemarsiais hirak ne’ebe Governu anterior taka ne’e hanesan PSHT, Kera Sakti no KORK,” dehan Nia.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here