Home internasional Bukhari Ahmed Nia Mate, Tristeza ba Saharawi

Bukhari Ahmed Nia Mate, Tristeza ba Saharawi

190
0
SHARE
Matebian Bukhari Ahmed, Reprezentante Frente Polisario Republika Saharawi nian iha Nasoens Unidas ne’ebe mate iha 3 Abril 2018. Photo: Google.

By: Hortencio SANCHES

THETIMOR-NEWS.com, DILI – Bukhari Ahmed, Reprezentante Frente Polisario Republika Saharawi nian iha Nasoens Unidas ne’ebe mate iha 3 Abril 2018, nudar tristeza ida ba Republika Saharawi tamba lakon ona ema diak ne’ebe defende sira nia interese nasional ba luta libertasaun ukun rasik an nian.

Matebian Bukhari Ahmed, Reprezentante Frente Polisario Republika Saharawi nian iha Nasoens Unidas ne’ebe mate iha 3 Abril 2018. Photo: google.

Bukhari Ahmed ne’ebe ho tinan 64 mate tamba sofre moras ne’ebe kleur ona iha nia isin lolon.

Laos Bukhari Ahmed deit, maibe nia sidadaun nain 30 ne’ebe mate tamba assidenti aviaun monu iha Alzeria, Kuarta (11/04/2018).

Ho dobru trajedia ne’e, iha Kinta (12/04/2018), Embaixada Republika Saharawi iha Dili, Timor-Leste loke sira nia embaixada hodi simu kondolensia hodi fo homenajem ikus nian. Tuir informasaun ne’ebe redasaun thetimor-news.com simu deretamente hosi embaxada ne’e, sira loke rejistu kondolensia nian durante loron 7, hahu 12-18 Abrip 2018 hosi oras 09:00 no 15:00 oras Timor-Leste nian.  

“Entre pasanjeiru sira iha aviaun ne’e, 30 ema Saharawi nudar pasienti moras ne’ebe foin fila hosi period tratamentu nian iha Ospital Alzeria,” hakerek offisial komunikadu ne’e.

Aviaun militar Alzeria ne’ebe monu iha Boufarik.

Lidera hosi Prezidenti Republika, Sekretariu Jeral Frente Polisario, Brahim Gali halo ona inkontru emerjensia hodi buka tuir assidenti aviaun Forsa Alzeria nian ne’e.

Iha komunikadu ne’e, Frente Polisario (Frente Movimentu Independensia Povu Saharawi) mos apresia expresaun hosi autoridade Alzeria nian ba vitima sira ne’ebe mate iha assidenti ne’e.

Republika Saharawi, dadauk ne’e luta hela no husu apoiu ba komunidade internasional, inklui nasoens unidas atu rekonese soberanu rai sira nian nudar nasaun independente, maski dadauk ne’e “ukun” hela iha Governu Maroko nian. Iha nia geografia, Saharawi fronteira ho Alzeria no Mauritania.

Povu Republiak Saharawi kaer bandera sira nian hodi hatudu ba mundu. Photo: google

Saharawi istoriamente proklama ona nia independensia iha 27 Fevereiru 1976 hosi Espana. Saharawi ukun hosi kolonial Espana desde tinan 1884.

Dadauk ne’e misaun ONU ho naran MINURSO (Misaun ONU ba Referendum Saharawi) prepara hela referendum ba povu Saharawi atu hamrik nudar nasaun independenti ou lae.

Editór: Evangelisto SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here