Home dezenvolvimentu Empata 1-1 Aitana Fahe Potus Ho Kablaki

Empata 1-1 Aitana Fahe Potus Ho Kablaki

220
0
SHARE
Joven sira ne'ebe joga iha Liga Futebol Amadora (LFA). Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Jogu segundu Dizizaun Liga Futebol Amadora (LFA) Aitana FC kontra  Kablaki FC tenke fahe pontus ba malu tanba rejulatdu ne’ebe termina iha 90 empata 1-1 iha kampo Federassaun Futebol Timor – Leste (FFTL) Dili, Kuarta (11/04/2018).

Rezultadu ne’ebe iha lori Aitana haksoit sai hosi pozisaun da-lima hodi tur iha pozisaun da-toluk no klasifikasaun lima iha jogu da-tolu.

Alende ne’e, Kablaki FC kontinua mantein nafatin iha pozisaun da-ualu ho pontus rua iha jogu da-tolu.

Golu Kablaki produs hosi Pedro Soares numeru kamijola 9, (26’) liu hosi suta penalidade no golu Aitana marka hosi Gilson Reis numeru kamijola 10 (47’) liu mos hosi  suta penalidade.

Jogu ne’e lidera hosi arbitu Elisio Lopes juiz lina Filomeno da Silva no Francisco Pereira konsege fo kartaun Kinur no mean ba jogador Kablaki Pedro Soares iha iha (41’), enkuantu Aitana  konsege hetan kartaun kinur hosi jogador Gilson Reis  (46’).

Hare ba rejultadu hatudu fahe pontus deit, Treinador Aitana Domingus Gama sente triste ho nia jogador sira tanba la dun hatudu prestasaun jogu ne’ebe diak hodo fo bitoria ba klubu refere.

“Nudar Treinador ida hau sente katak la kontente tanba iha ekipa Kablaki nian lakon tiha  ona ema ida tanba hetan kartaun mean maibe ami nafin la halo buat ida, maibe  motivasi ba jogador sira mak hanesan ne’e ona, treinador sira esforsu an maibe rejultadu mak nune’e duni,” dehan Domingos.

Tanba ne’e, Treinador ne’e promote sei obriga no fo motivasaun nafatin ba Jogador sira atu nune’e iha jogu tuir mai bele hadia failansu ne’ebe sira nia ekipa iha.

Maski empata Treinador Kablaki Joao Gudinho hato’o agradese ba arbitu tanbaa lidera jogu ne’ebe diak tebes no nia kontinua husu ba jogador Kablaki sira tenke disipilibna bainhira halo jogu iha kampo laran atu nune’e labele mosu fallansu ne’ebe bo’ot hanesan kartaun mean.

“Jogu ne’e diak, maibe ba oin hau kontinua hakarak eduka nafatin hau nia jogador sira bainhira halo jogu iha kampo laran tenke disiplina,” dehan Joao.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here