Home dezenvolvimentu Oecuse Nabilan, Timor – Leste Mos Tenke Nabilan

Oecuse Nabilan, Timor – Leste Mos Tenke Nabilan

312
0
SHARE
Mari Alkatiri, Sekretariu Jeral FRETILIN

By: Hortencio SANCHES

THETIMOR-NEWS.com, Mananatutu – Sekretariu Jeral FRETILIN Mari Alkatiri hatete, FRETILIN tenke manan iha Manatutu tanba Manatutu hanesan rai klaran ne’eebe hosi tasi feto to ba tasi mane. Tanba ne’e dezenvolvimentu ne’ebe nabilan iha Oecuse tenke nabilan mos iha Timor – Leste.

“Oecuse labele nabilan mesak, Timor – Leste mos tenke nabilan, mais kuandu nabilan Lospalos tenke to mai Manatutu, Oecuse mai to Manatutu hasoru malu iha Manatutu, tanba ne’e mak ohin FRETILIN hahu kampaina iha Manatutu,” dehan Alkatiri iha kampaina ba da-huluk FRETILIN nian, ne’ebe THETIMOR-NEWS assesu hosi transmisaun direita ne’ebe halo hosi Radio Telivizaun Maubere (RTM) iha Manatutu, Tersa (10/04/2018).

Lider FRETILIN ne’e dehan, nia hakarak FRETILIN manan iha Manatutu hahu hosi Laleia, Manatutu vila no taka iha Laklubar tanba oras to ona atu FRETILIN ukun hodi hasai povu hosi terus.

“Oras to ona atu FRETILIN atu kaer ukun hodi hasai povu ida ne’e hosi kiak no mukit, ukun ne’e laos koko ba koko mai maibe ukun ne’e ho programa, ukun ne’e ho asaun no fo kedan rejultadu,” dehan Alkatiri.

Tuir nia, bainhira koalia soberania tenke hadia kualidade povu nia vida hahu hosi be’e mos saneamentu no uma ida-idak atu moris ho dignu.

“Planu Estrateziku Nasional atu hari uma rihun ba rihun ba ita nia povu ida ne’e hodi moris diak maibe to agora hau hare deit mak uma MDJ ida ne’e mak realidade lalika mai promote falsu ba povu,” dehan lider FRETILIN ne’e.

Alende ne’e, FRETILIN mos iha planu politiku ne’ebe diak atu tau importansia ba setor saudae atu nune’e bele hadok povu hosi moras.

“Ita iha politika ida saude ninian atu hadok ita nia povu hosi moras , laos halo politika saude nian para kura deit moras, kura moras ne’e hariku ema barak, bisnis aimoruk bara-barak, hadok moras ne’e la hariku ema ida ne’e hadia deit povu nia vida, kura moras ne’e mak hadiak ema balun nia vida hariku ema seluk sira,” dehan Alkatiri.

Medidas FRETILIN nian foti iha area saude mak doutor tenke hakbesik an ba povu atu hanorin povu hadok an hosi moras.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here