Home dezenvolvimentu Kredit Moris Diak Nafatin Sai Materia Prioridade Kampaina PR

Kredit Moris Diak Nafatin Sai Materia Prioridade Kampaina PR

338
0
SHARE
Prezidente Partidu Republikano, Joao Saldanha. Photo: TTN/Fidelio Ramos

By: Fidelio RAMOS

THETIMOR-NEWS.com, DILI – Prezidenti Partidu Republikanu (PR) João Mariano Saldanha hatete, iha kampainia eleisaun antisipada tinan 2018 laos  atu mobiliza masa iha kampainia mak importante liu maibe importante mak atu halo deit buat ne’ebe mak realidade ba povu.

“Ita hahu ita nia kampainia ho simples tamba la mobiliza masa no mos la  mobiliza masa iha fatin-fatin ne’ebe deit maibe ohin ami so hatete deit ba juventude sira mai partisipa deit lansamentu kampainia partidu nian no lansa mos programa  importante  ida kona ba kredit moris diak,” dehan Prezidenti PR João ba militante no simpatezante juventude sira iha sede PR Vilaverde Dili, Tersa (10/04/2018).

Nia dehan, partidu ne’ebe iha rekursu barak bele halo kampainia bo’ot hodi mobiliza masa ne’ebe makas dalaruma loron 1 deit bele hotu ona tanba ne’e  PR hakarak muda buat ne’e atu hala’o deit mak buat ne’ebe mak real ba povu iha nasaun ne’e.

PR hakarak hamrik mesak maske hanesan partidu kiik maibe konsege fo duni kontribuisaun real hodi rezolve problema iha nasaun ne’e tanba PR hakarak mos hatudu nia rekursu ne’ebe naton ba povu.

Tanba ne’e mak PR hakarak lansa uluk nia programa kredit moris diak uluk nune’e bainhira kaer ukun  bele rezolve povu nia moris sai diak.

Lider PR ne’e haktuir, iha eleisaun 2017 PR konsege lansa ona uma moris diak 1 ba ema kbi’it laek iha Becora no ba oin sei kontinua.

Alende ne’e, nia husu ba juventude hotu iha Timor – Leste katak, 12 Maio tenki hili PR hodi bele lori povu ba moris diak.

Kampainia PR nian sei la mobiliza masa maibe kampainia ho tipu dialogu simples hodi hato’o programa no mensajem ne’ebe mak real duni ba komunidade iha baze.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here