Home nasional AMP Preparadu Kaer Governu

AMP Preparadu Kaer Governu

653
0
SHARE

By: Hortencio SANCHES

THTEIMOR-NEWS.com, DILI – Prezidente Partidu Koligasaun Aliansa Mudansa ba Progresu (AMP) Kay Rala Xanana Gusmao hatete, AMP mosu atu hametin nasaun hodi halo mudansa ba povu nia moris. Tanba ne’e nia garante bainhira hetan vitoria iha eleisaun antesipada AMP pronto no preparadu atu kaer Governu.

Lia hirak ne’e hato’o hosi lider karismatiku Xanana Gusmao iha kampaina aberta AMP nian  ne’ebe publika direitamente hosi GMN TV iha Munisipiu Ainaro, Tersa (10/04/2018).

“Hamutuk hanoin ba nasaun hanoin ba povu, ita hotu fo konfiansa sei dezenvolve kada munisipiu iha mos nia programa rasik, AMP hakarak hatudu ba povu tomak ami preparadu, preparadu halo manual politiku hodi aprezenta politiku programa ba tinan lima ida ne’e mak AMP nia forsa,” dehan Xanana.

Tanba ne’e lider ne’e dehan, Programa prioritariu AMP nian hakerek iha  livru  manual kada munisipiu iha atu nune’e bele fahe ba povu tomak hodi hatene programa partidu nian hahu hosi 2018-2023.

“Husu ba juventude no estudadnte sira tenke le, fo tutan ba inan aman sira hot-hotu tenke hatene, ida ne’e hau mai hatudu, ida ne’e atu hatudu maturidade politika partidu tolu nian, hatudu katak ita prepara an,” dehan ema numeru ida iha AMP ne’e.

Ihaa kampina ne’e, partisipa mos hosi membru Partidu politiku balun no oranizasaun masa sira ne’ebe hakarak apoi no fo vitoria ba AMP iha eleisaun.

Alende ne’e, Xanana Gusmao promote bainhira AMP manan tinan lima nia laran sei hakotu problema veteranus nian.

Iha fatin hanesan Portavoz AMP Taur Matan Ruak husu ba povu Ainaru hotu atu fo votus no konfiansa ba AMP atu hetan vitoria iha eleisaun agora.

“Ita tenke vota, ita hotu ne’ebe bele lao tenke vota, kuandu ita vota foin hetan ita nia direitu,” dehan Taur.

Lider ne’e afirma, bainhira sidadaun hotu hakat ba sentru votasaun atu hili partidu  ne’ebe nia hakarak mak  foin be’e hetan benefisiu ba eletrisidade, be’e mos estrada no seluk tan.(*)

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here