Home dezenvolvimentu IRI fó Treinamentu ba Feto PD

IRI fó Treinamentu ba Feto PD

314
0
SHARE

By: Hortencio SANCHES

THETIMOR-NEWS.com, DILI – Organizasaun hosi Estadus Unidus Amerika (EUA) International Repiblican Institute (IRI) iha Timor – Leste fo treinamentu ba Feto hosi Partidu Demokratiku (PD) ne’ebe kandidata atu sai hanesan membru Parlamentu Nasional (PN).

Deputada Bankada PD, Elvina Sousa. Photo: Facebook Abina Samson

Deputada Bankada PD Elvina Sousa Carvalho hatete, IRI halo parseiru ho PD kleur ona sempre servisu hamutuk ho sira.

“IRI ne’e halo parseria ho ami kleur ona, sira sempre suporta formasaun, suporta material peskiza nian ba PD liu-liu fokus ba kapasitasaun feto oinsa atu sai hanesan lideransa no ohin ne’e fokus liu ba kandidata feto sira,” dehan Elvina ba THETIMOR-NEWS iha Hotel Jelvila Aimutin Dili, Tersa (10/04/2018).

Karlito Nunes hanesan Manazer Programa IRI hatete, IRI hanesan organizasaun internasional ida ne’ebe nia prezensa hahu hosi 2000 toa agora no laos servisu ho PD deit maibe konsege servisu mos ho feto partidu seluk sira ne’ebe hetan assent iha PN.

 “Ohin IRI fo treinamentu ba feto potensia sira ne’ebe kandidatu hanesan membru Parlamentu Nasional, aban ho FDD baintolu ho FRETILIN, formasaun ida ne’e atu fahe esperiensia oinsa mak atu halo kampaina ba eleitores sira hodi vota oinsa mos atu lori feto sira sai hanesan lejislador diak ida,” dehan Karlito.

Hafoin prezensa iha Timor – Leste, IRI mos iha office hamutuk 100 ida iha nasaun sira iha mundu ne’ebe ho servisu hanesan.

“IRI nia esperiensia servisu hamutuk ho Partidu Politiku iha Timor – Leste kuaze tinan sanulu resin  ne’en ona,” dehan nia.

Editóra: Agida DOS SANTOS I COPYRIGHT THETIMORNEWS © 2018