Home dezenvolvimentu Parpol Ualu Assina Ona Paktu Unidade Nasional

Parpol Ualu Assina Ona Paktu Unidade Nasional

563
0
SHARE
Partidu Politiku sira assina hela paktu Unidade Nasional iha Salaun Lalini Larigutu CNE. Photo: Media/ PR

By: Hortencio SANCHES

THETIMOR-NEWS.com, DILI – Partidu Politiku (Parpol) Ualu ne’ebe preparadu kompete iha eleisaun antesipada assina ona paktu Unidade Nasional atu nune’e  bele hametin dame nune’e labele mosu konflitu iha kampaina eleitoral to  votasaun.

Paktu Unidade Nasional ne’e, halo iha salaun Lalini Larigutu Komisaun Nasional (CNE red) Caicoli Dili, Sabadu (07/04/2018).

Partidu Ualu ne’ebe assina mak hanesan, Partidu Esperansa da Patria (PEP), Partidu Demokratika (PD),  Partidu Republikanu (PR), Frente Revolusionaria Timor – Leste Independente (FRETILIN) , Koligasaun, Movimentu Sosial Demokrata, (MSD), Movimentu Demokratiku Nasional (MDN), Forum Dezenvolvimentu  Demokratiku (FDD) no Aliansa Mudansa ba Progresu (AMP).

Serimonia ne’e, partisipa hosi  Prezidente Republika (PR) Francisco Guterres Lu-Olo, PDHJ Silveiro Pinto, lider Parpol sira Prezidente CNE Alcino Barris no lia nain hosi Munisipiu 13.

Iha Diskursu PR Lu-Olo hatete, sente kontente ho inisiativa CNE nian ne’ebe foti dezisaun hodi kria paktu Unidade Nasional atu partidu hotu halao aktividade kampaina iha ambitu paz.

“Hamutuk ho paz no estabilidade, it abele kontribua atu Timor – Leste bele hakat ba oin, hamutuk iota sei haburas ba beibeik ita nia rai doben, atu ita hotu moris diak liu tan ohin loron no tinan lima oin mai,” dehan Xefe Estadu.

Hanesan Timoroan, Xefe Estadu kontente no orgullu tanba povu Timor – Leste konkista ona demokrasia ida ho kualidade tebes.

“Susesu ida ne’e, maihosi ita rasik, familia ida-idak, grupu komunitariu, partidu politiku no no instituisaun hot-hotu nudar povu Timor – Leste,” dehan PR Lu-Olo.

Tanba ne’e, PR fiar  no garante eleisaun ne’ebe mai sei lao iha amibiente ne’ebe paz no hakmatek tanba povu hatudu ona maturidade ne’ebe diak no nia fiar lider sira sei kria  paz  no estabilidade.

“Hau Fiar metin katak, lider politiku sira sei la halo violensia, sira nia objetivu para atu ba hato’o ba ita nia povu para halo eskolla demokratika ba programa ne’ebe mak sira hato’o, hau fiar metin sira sei la halo violensia para bele to iha poder,” dehan Xefe Estadu.

Iha fatin hanesan, lider AMP Fidelis Magalhaes hatete, sira sei koko ho esforsu tomak atu edika no hanorin militante sira atu labele hamosu konflitu iha tempu kampaina.

“Ami nia militante sira  ami sei koko esforsu atu eduka sira atu nune’e bele promove paz no estaabilidade, ami koko liu hosi mensajen ne’ebe  ami  iha atu  hametin paz iha nasaun ne’e,” dehan Fidelis.

Vixe Prezidente FRETILIN Francisco Miranda Branco afirma, paktu Unidade Nasional Importante tebes ba ema hotu maibe labele sai deit hanesan aktuformal maibetenke implemetaa liu hosi paz no estabilidade.

“Ida ne’e, labele liu hosi aktu formal deit tenke liu hosi vida pratika partidu hotu nian atu halo intervensaun iha publiku, liu hosi media, tenke tetuhodi implementa duni paktu Unidade Nasional ne’e,” dehan Branco.

Nia dehan, FRETILIN sei eduka nafatin nia militante hotu no edtrutura sira atu halo politiku ida ne’ebe diak hodi hato’o no aprezenta programa ne’ebe  lori povu ba moris diak ihatinan lima mai.

Sekretariu Jeral PD Antonio da Consecao Kalohan hatete, paktu refere atu bolu atensaun baa partidu politiku hotu atu kria unidade no paz.

“Paktu ida ne’e, atu bolu atensaun ba Partidu politiku  sira hodi hametin sira nia papel hodi ezerse establilidade iha nasaun ne’e,” dehan Kalohan.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here