Home dezenvolvimentu Lori Passadu Atu Koalia iha Prezente

Lori Passadu Atu Koalia iha Prezente

712
0
SHARE
Lider Masimu Kay Rala Xanana Gusmao. Photo: Spesial

By: Hortencio SANCHES

THETIMOR-NEWS.com, DILI – Prezidente Aliansa Mudansa ba Progresu (AMP) Kay Rala Xanana Gusmao afirma, dala barak ema sempre preokupa AMP la koalia programa maibe koalia deit kona ba passadu maibe sira nia parte lori passadu atu koalia iha futuru.

“Ami tur hamutuk ona planu ba tinan lima mai ne’e, nia hun iha ne’ebe no nia abut iha ne’ebe, hanesan agora balun dehan nune’e, AMP ne’e koalia deit mak passadu maibe la koalia kona ba prezente, maibe ami dehan hanesan ne’e, ami lori passadu atu koalia iha prezente,” dehan Xanana Gusmao iha konferensia imprensa ne’ebe halo iha sede AMP Bairo dos Grilhos Dili, Domingu (08/04/2018).

Tanba ne’e, AMP nia programa ba tinan lima atu hadia povu nia nesisidade atu nune’e bele moris dignu liu tan.

“Ida fali atu presta atensaun no assegura politika inkluzivu ne’ebe favorese integrasaun, maibe ami sei halo buat hotu tuir ami nia kbit no politika ida ne’ebe diak no sei la promote  katak atu halo buat hotu sai diak kedan ne’e lae, mais atu loke ona dalan ba hotu-hotu atu sente katak sira mos parte hosi dezenvolvimentu nian,” dehan Xanana.

Alende ne’e, AMP sei fo mos atensaun liu-liu ba povu nia identidade atu nune’e bele garante povu nia vida moris hodi hatene lolos hun ho abut iha los ne’ebe.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here