Home dezenvolvimentu Hetan Vitoria iha EA, AMP Sei Hakotu Problema Veteranus

Hetan Vitoria iha EA, AMP Sei Hakotu Problema Veteranus

217
0
SHARE
Lider karismatiku Timor - Leste, Kay Rala Xanana Gusmao. Photo: Espesial

By: Hortencio SANCHES

THETIMOR-NEWS.com, DILI – Prezidente Aliansa Mudansa ba Progresu (AMP) Kay Rala Xanana Gusmao promote bainhira povu fo konfiansa ba sira kaer ukun iha tinan lima nia laran sei hakotu problema Veteranus ne’ebe oras ne’e daudaun sai difikuldade.

“Ami promote, iha tinan lima ida ne’e to 2023 ita taka problema veteranus nian ne’e ami promote, atu halo saida atu bolu hosi ne’ebe mak hare ba ne’eba ami prontu atu hare ba ida ne’e, kuandu koalia kona ba passadu  ami laos gaba an, maibe ami hatene veteranus sira nia hakarak ne’e saida,” dehan lider karismatiku ne’e iha konferensia imprensa ne’ebe halo iha sede AMP Bairu dos Grilhos Dili , Domingu (08/04/2018).

Tanba ne’e, lider ne’e husu nafatin ba veteranus no povu hotu atu tau nafatin konfiansa ba sira nain tolu iha eleisaun antesipada atu nune’e bele rezeolve problema hirak ne’ebe iha daudaun.

“Agora daudaun maun Taur, no Naimori lao lemo-lemo ba iha povu sira hodi rona halerik povu nian hodi hatene kondisaun agora daudaun oinsa,” dehan Xanana.

Lider karismatiku ne’e esplika, bainhira sira tun ba iha baze hasoru malu ho ferik no katus hare deit ba sira nia matan hatene ona saida mak katus no ferik sira nia hakarak.

“Ami nain tolu iha AMP sei komprende muitu bem saida mak povu sira nia hakarak,” dehan lider istoriku ne’e.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here