Home dezenvolvimentu Xanana Hatene Sei la Uza FM ba Materia Kampaina

Xanana Hatene Sei la Uza FM ba Materia Kampaina

357
0
SHARE
Prezidente Republika Francisco Guterres Lu-Olo, Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Prezidente Republika (PR) Francisco Guterres Lu-Olo hatete, nia la presiza husu ba Xefe Negosiador Fronteira Maritima (FM) Kay Rala Xanana Gusmao atu labele uza assuntu Fronteira Maritima sai material kampaina tanba Xanana rasik hatene.

“Kona ba ida ne’e, nia hatene, la presiza Lu-Olo atu dehan ba nia, Prezidente Republika la presiza hatete ba Xanana, nia hatene hela ida ne’e sei la uza ba material kampaina, nia sei la uza duni hau fiar nia,” dehan Xefe Estadu Lu-Olo ba Jornalista iha edifisiu CNE Caicoli, Sabadu (07/04/2018).

Tanba ne’e, Xefe Estadu husu ba Partidu Politiku sira labele utiliza assuntu FM sai hanesan material kampaina tanba ida ne’e hanesan asuntu nasaun nian.

“Hau hanoin ida ne’e laos material ba kampaina, hanoin diak liu ida ne’ebe intrese ba nasaun rai hela ba kotuk hodi aprezenta deit programa Partidu nian atu nune’e povu bele iskolla, maibe dehan ba fali koalia koan ba Fronteira Maritima orsida pronto partidu sira seluk mos bele iha direitu para resposta ba assuntu ida ne’e ona ne’ebe hau husu bebeik ba Partidu sira hotu labele uza FM hodi halo kampaina,” dehan PR Lu-Olo.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here