Home nasional PNTL Ermera Kontinua Buka Suspeitu Tuda Kareta AMP

PNTL Ermera Kontinua Buka Suspeitu Tuda Kareta AMP

543
0
SHARE
Komandante PNTL Autoridade Munisipiu Ermera, Superintendente Natercia Martins. Photo: Facebook/ Natercia Martins

By: Hortencio SANCHES

THETIMOR-NEWS.com, DILI – Polisia Nasional Timor – Leste (PNTL) Autoridade Munisipiu Ermera oras ne’e daudaun kontinua buka tuir ema deskoinesidu ne’ebe tuda rahun kareta membru Partidu Aliansa Mudansa ba Progresu (AMP) iha area Letefoho horseuk.

Komandante PNTL Autoridade Munisipiu Ermera, Superintendente Natercia Martins. Photo: Facebook/ Natercia Martins

“Akontesimentu ida ne’ebe tuda kareta ne’e los duni komandu simu informasaun hosi  eskuadra Letefoho katak iha individu nain ida ne’ebe la konsege kaer horseik tanba tuda kareta ida husi Partidu koligasaun AMP ninian, baunhira tuda ne’e kuaaze distansia lubuk ida mak Polisia foin hetan informasaun entaun Polisia to ba iha fatin akontesimentu iha kafelaran ne’ebe fuik la toman ema ida,” dehan Superintendente Natercia ba Jornalista iha edifisiu CNE Caicoli, Sabadu (07/04/2018).

Komandante ne’e, haktuir, iha fatin akontesimentu laiha uma ruma ne’ebe besik atu nune’e bele deskonfia. Tanba ne’e PNTL sei buka tuir nafatin hodi halo kapturasaun ba individu ne’ebe halo asaun hasoru kareta membru Partidu Politiku ne’e.

“Fatin akontesimentu ne’e, iha ne’eba kafe laran ho ai samtuku laran laiha uma balun iha ne’eba atu ita hodi deskonfia, entaun it abele deskonfia iha buat rua ida mak hanesan iha ema balun mak monitoriza hela ita nia entidade sira lao maka sira tuda, ida mos iha ema la normal balun mak halo asaun ida ne’e no iha fatin ne’eba laos foin mak agora tuda devezenkuandu sempre tuda entaun iha buat rua,” dehan Natercia.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here