Home nasional Militante Partidu Tenke Hadok An Hosi Konflitu

Militante Partidu Tenke Hadok An Hosi Konflitu

184
0
SHARE
Komandante PNTL Autoridade Munisipiu Ermera, Superintendente Natercia Martins. Photo: Facebook/ Natercia Martins

By: Hortencio SANCHES

THETIMOR-NEWS.com, DILI –  Komandante Polisia Nasional Timor – Leste (PNTL) Munisipiu Ermera Superintendente Natercia Martins husu ba populasaun hotu iha Autoridade Munisipiu Ermera ne’ebe involve hanesan militante iha Partidu Politiku sira tenke hadok an hosi konflitus bainhira kampaina eleitoral hahu atu nune’e labele fo risku ba sira nia vida.

“Ami hanesan Polisia sempre avizu ba ita nia komunidade hirak ne’ebe sai militante ba ita nia Partidu Politiku sira para hases an hosi konflitu para nune’e  labele lori risku ba sira nia an,” dehan Superintendente Natercia ba Jornalista iha edifisiu CNE Caicoli Dili, Sabadu (07/04/2018).

Komandante PNTL Autoridade Munisipiu Ermera, Superintendente Natercia Martins. Photo: Facebook/ Natercia Martins

Superintendente ne’e esplika, atu halo atuasaun ba konflitu PNTL lei fo kompetensia atu uza forsa bainhira situasaun ruma obriga no sei responsabiliza tuir prosedimentu nune’e bele hakalma situasaun.

“Hau kaer komandu iha Ermera hakarak husu bah au nia komunidade sira hotu hamutuk unidade atu nune’e bele apoiu malu atu kria pas no estabilidade,” dehan Superintendente ne’e.

Enkuantu, komandante ne’e garante PNTL Ermera sei apoiu seguransa diak iha Munisipiu laran hahu hosi kampaina eleitoral to votasaun remata situasaun sei lao ho paz no hakmatek.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here