Home nasional Saudozu Rai Moris, Manu Aman Liquisa iha Tempu Funu

Saudozu Rai Moris, Manu Aman Liquisa iha Tempu Funu

524
0
SHARE
Saudozu Natalino "Rai Moris" Photo: Espesial

By: Hortencio SANCHES

THETIMOR-NEWS.com, ULMERA – Munisipiu Liquisa iha prosesu luta ba ukun rasik an kontribui mos lutador ne’ebe nunka tauk hasoru inimigu iha tempu funu hasoru militar Indonezia, Alende naran foot Saudozu Nicolau Lobato, iha mos naran seluk ne’ebe sai mos manu aman Liquisa nian iha tempu funu, ne mak Saudozu Natalino Soares “Rai Moris”.

Membru F-FDTL hosi komponente Terestre lori leba hela mate isin Saudozu Rai Moris atu halot iha Jardin Eroi Liquica. Photo: TTN/Hortencio SANCHES

Maibe Rai Moris ne’ebe konsege goza ukun rasik an tenki fila hikas ba maromak kadunan santo iha 31 Marsu 2018 tamba moras.

Moris iha Aldeia Terlau, Suku Ulmera, Postu Administrativu Bazartete, Munisipiu Liquica 16 Setembru 1952, saudozu nudar oan hosi Lequi-Açu no Lou Paul. Saudozu hanesan oan da-hat hosi maun alin nain hitu, mane tolu no feto hat, maibe Maromak bolu hikas ona nain 5 inklui Saudozu.

Naran Saudozu Rai Moris iha Liquisa famouzu tebes, inklui iha lista veteranu sira, maski iha tempu funu nian militar Indonezia konsege kaptura no halo kastigu ba nia iha 1 Janeiru 1979 to’o 31 Dezembru 1979 Saudozu hetan detensaun preventive iha KOREM Dili. Depois ne’e Saudozu mos hetan tan detensaun iha KODIM Liquica, hosi 1 Novembru 1979 to’o 25 Dezembru 1980.

1 Janeiru 1981 to’o 25 Dezembru 1984 saudozu hetan nafatin detensaun prolongada iha KODIM Liquica, nunee’e iha 25 Marsu 1997 Saudozu hetan nafatin detensaun preventive iha KODIM Liquica to 11 Novembru 1997.

Saudozu hahu eskola iha, eskola Primaria Pilaparia Ulmera, iha tinan 1964 Saudozu kontinua nafatin nia estudu iha eskola Psico-Sosial Militar Kompania 11 Pilaparia, husi 1 klase to’o 3 klase hafoin ne’e, Saudozu kontinua hikas nia eskola 4 klase iha Psico-Sosial PM iha Dili to remata.

Hafoin ne’e, Saudozu kontinua fali nia estdu Siklu Preparatoriu ensinu sekundariu iha Dili no remata iha tinan 1974.

Saudozu kaben ho Maria Ribeiro dos Santos iha 19 Junu 1989, iha kapela Nossa Seinhora  de Boa Viagem Nasuta, daudauk ne’e saudozu husik hela nia kaben no oan 4 mane ida no feto tolu bei oan 15.

Partisipasaun Saudozu nian iha luta Libertasaun Lasional

Saudozu hahu nia kareira luta libertasaun nasional ba da-huluk hanesan, involve iha Uniaun Nasional REstudante Timorense (UNETIM) hodi apoiu ba  ASDT/FRETILIN iha tinan 1974-1975 no bainhira Saudozu husik UNETIM kontinua kedan ba Organizasaun Popular Juventude Timorense (OPJT).

Depois ne’e, iha 20 Agostu 1975 to 27 Novembru 1975 nudar Milisia FALINTIL. Bainhira to tempu okupasaun Indonezia Saudozu hanesan Gurilleiru hodi assume kargu hanesan kordenador seksaun programa alfabetizasaun iha baze apoiu 2 Maulabat  Ulmera Bazartete.

28 Novembru 1975 to 28 Novembru 1977 Saudozu hanesan delegadu Povasaun. 1 Janeiru 1979 to 4 Marsu 1979 Saudozu assume kargu hanesan assistente Zona.

26 Novembru 1979 to 31 Dezembru 1979 Saudozu involve iha Frente Klandestina (CRRN). 1 Janeiru 1987 to 31 Dezembru 1997 faze CNRM Saudozu assume kargu hanesan Sekretariu Zona Nocolau Lobatu, hosi 15 Setembru 1998 to’o 25 Outubru 1999 Saudozu Nafatin hanesan Sekretariu Zona Nicolau Lobatu.

2001 Saudozu hanesan membru komisaun konsulta publiku Konstituisaun RDTL. Depois desolusaun CNRT Saudozu assume kargu hanesan Sekretariu assosiasaun Veteranus Rezistensia (AVR) Postu Administrasaun Bazartete. Iha tempu UNAMET Saudozu hanesan Komisaun Akompainamentu Prosesu Politiku (KAPP) no Kordenador Akollumentu Prosesu Politiku Postu Administrativu Bazartete.

Bainhira Timor – Leste hetan nia independensia lolos iha 2002 Saudozu involve an iha Partidu Frente Revolucionaria Timor – Leste Independente (FRETILIN).

Primeiru Saudozu hanesan Kordenador Komisaun Politika FRETILIN Bazartete husi 2001 to’o 2007. Husi 2007 to’o 2012 Saudozu hanesan membru Komisaun Politika Munisipiu Liquica, hosi 2012 to Saudozu husi nia iss Saudozu assume knar iha FRETILIN hanesan membru komisaun Juridiku Munisipiu Liquica.

Enkuantu iha era Ukun Raik An Saudozu servisu hanesan Funcionariu Publiku iha Ofisial Governu Lokal Postu Administrativu Bazartete.

Adeus Saudozu Natalino Soares “Rai Moris” o nia diak ema hotu sei la haluha, o nia luta sei la lakon iha jerasaun ba jerasaun sei haktuir nafatin o nia luta ba Timor – Leste ne’ebe ohin loron hetan duni liberdade, o nia prinsipiu jerasaun sira sei la haluha deskansa ho hakmatek Saudozu Rai Moris.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here