Home nasional PNTL Sei Kaptura Militante Parpol Viola Kodigu Estrada

PNTL Sei Kaptura Militante Parpol Viola Kodigu Estrada

205
0
SHARE
Prezidente CNE Alcino Barris koalia hela ho jornalista, husi sorin liman karuk Diretor Jeral STAE Acilino Branco, Photo: TTN/Jose Samuel

By: Hortencio SANCHES

THETIMOR-NEWS.com, DILI – Komisaun Nasional Eleisoes (CNE red) halo sorumutu ho Polisia Nasional Timor – Leste (PNTL) no Partidus Politiku hotu atu diskute kona ba preparasaun kampaina eleitoral ne’ebe sei halo durante fulan ida.

Prezidente CNE Alcino Barris hatete, sira halo ona koperasaun ho parte PNTL atu nune’e bele tau  atensaun ba militante hirak ne’ebe uza transporte publiku hodi partesipa iha kampaina bainhira kontra kodigu estrada sei kaptura hodi prosesu tuir lei.

“CNE husu prezensa komandu PNTL nian liu-liu unidade Tranzitu hodi halo aprezentasaun ba regras tranzitu ba Partidus Politikus sira atu nune’e sira nia  kampaina eleitoral halao iha 10 Abril to 9 Maiu tenke respeita kodigu estrada, kuandu apoiantes hirak ne’ebe kontra ou komete infrasaun sei kaputa,” dehan Alcino ba Jornalista iha edifisiu CNE Dili, Kinta (05/04/2018).

Nia esplika, kordenasaun ne’ebe parte hirak ne’e halo atu minimiza dezastre no konflitus ne’ebe akontese hanesan kampaina hirak ne’ebe halo ona iha tinan sira kotuk.

Entretantu, iha  reuniaun ne’e koalia mos kona ba kalendariu Partidu Politiku ualu hatam ona ba CNE hodi halo kampaina eleitoral.

“Ami koalia mos kona ba kalendariu Partidus Politikus ualu hatama, iha ne’e opta Sistema dizital eletronik, maibe iha sistema hatudu katak Partidu balu nia kalendariu eleitoral ne’e soke malu ho Partidu sira seluk, entaun agora daudaun ami tur hamutuk hodi hare no rezolve oinsa mak partidu sira ne’e nia kalendariu labele soke malu,” dehan Alcino.

Tanba ne’e, iha tempu badak CNE sei aprova no fo sai lolos kona ba kalendariu fiksu ba Partidu Politikus hotu hafoin halo aktividade kampaina iha terenu.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here