Home dezenvolvimentu EUA Intrega Ona Portu Marinu ba UPM

EUA Intrega Ona Portu Marinu ba UPM

460
0
SHARE
Portu Marinu foun ne'ebe forsa Naval EUA halo. Photo: TTN/Fidelio Ramos

By: Fidelio RAMOS

THETIMOR-NEWS.com, DILI – Estadus Unidus Amerika (EUA) liu hosi nia Embaixador iha Timor – Leste ofisialmente intrega ona Portu foun Marina nian ba Polisia Nasional Timor – Leste (PNTL) Unidade Polisia Maritima (UPM) hodi bele halo knar diak liu.

Portu ne’e, konstroi hosi Forsa Naval EUA iha 2010 ho osan hamutuk, $ 1.9 Miloens USD hosi Governu Amerika.

Tanba ne’e, Governu Timor – Leste liu hosi Ministru Defeza Seguransa (MDS) Jose Agustinho Somotxo hatete, lori PNTL hotu nia naran agradese ba Forsa Naval Amerika ho sira nia Governu ne’ebe tulun ona Timor –  Leste.

“Hau  nia liafuan mak agradese deit Apoiu ne’ebe fo mai ita hanesan nasaun ida sei presiza  bebeik maibe ita agora hanesan nasaun ida  labele tane liman bebeik tanba ne’e tenki iha ona  inisiativa propiu para dezevolve diak tan intituisaun polisia liliu UMP hanesan mos ita nia komponenti Naval ne’ebe mak servisu hamutuk ho UPM hodi asegura fronteira Tasi-Ibun kosta sul nian,” dehan Somotxo ba Jornalista sira iha edifisiu UPM Largo Lecidere Dili (29/03/2018).

Iha fatin hanesan Tanenti Naval EUA Roster informa, konstrusaun ne’e nia dezenu mai hosi  Amerika hafoin hafoin sira halo konstrusaun no apoiu makas mos hosi Ministeriu Negosiu Estranjeiru Timor – Leste.

“Portu ne’e, nia dezeinu mai hosi Amerika maibe ami halo ne’e hetan apoiu hosi Governu Amerika no Timor – Leste,” dehan Tanenti Roster.

Alende ne’e, Komandante UPM Superentendente Lino Saldanha hatete, hanesan sidadaun ne’ebe servisu iha tasi laran senti iha dezafiu tanba Timor – Leste presiza kapasita ema no apoiu ekipamentu presiza mos ema atu hanorin oinsa domina lei nasional no internasional iha kona ba tasi nian.

“Hanesan paiz kikoan prontu iha komitmentu, prontu garantia paz iha reziaun Azia Pasifiku tau iha pratika para kontorla liliu ba droga terorizmu trafiku umanu, tanba ne’e presiza treinu hela pesoal sira para ita labele ona hafoin husu ajuda ba komponenti naval husi nasaun sira seleluk atu ajuda ita,” dehan Lino.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here