Home nasional Parpol 8 Fiksu Kompete iha EA, 2 Ameasa la Tuir

Parpol 8 Fiksu Kompete iha EA, 2 Ameasa la Tuir

1139
0
SHARE
Prezidente Tribunal Rekursu Deolindo dos Santos. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Tribunal Rekursu (TR) verifika ona no anunsia partidu politiku (parpol) 8 fiksu on aba kompete iha Eleisaun Antesipada (EA) no partidu 2 mak hetan ameasa la tuir.

Prezidente Tribunal Rekursu (PTR), Deolindo dos Santos esplika parpol 8 ne’ebe sei kompete iha EA, 4 rejistu nu’udar koligasaun no partidu rua seluk ne’ebe sedauk fiksu tamba ladauk prinse kriteria balun husi Tribunal.

“Dezisaun TR nian bainhira hare’e hotu lista kandidatura husi Parpol sira hotu katak atu ba kompete iha EA, lista hirak ne’e mak hanesan tuir mai ne’e, Koligasaun Frente Dezenvolvimentu Demokratiku (FDD), Aliansa Mudansa ba Progresu (AMP), Movimentu Dezenvolvimentu Nasional Movimentu Dezenvolvimentu Nasional (MDN), Movimentu Sosial Demokrata (MSD), Partidu Republikanu (PR), Partidu Esperansa da Patria (PEP), Partidu KOTA, FRETILIN, PD no ikus liu ASDT,” dehan PTR Deolindo dos Santos iha Salaun TR, Caicoli Dili, Kuarta (28/03/2018)

Partidu koligasaun hirak ne’e mak AMP koligasaun hosi partidu CNRT, PLP ho KHUNTO, Koligasaun FDD kompostu hosi UDT, PDN, PUDD no FM, MDN (UNDERTIM, APMT, MLPA no PLPA), no (MSD PST, PSD, CASDT no PDC).

“Depois TR verifika hotu tiha hare ba artigu 23 lei 6/2006 28 Dezembru ne’ebe altera ho ida foun lei No. 9/2017 5 de Maiu hare mos ba artigu 93  No.3 Konstituisaun nian TR Verefika katak lista ne’ebe aprezenta mai ho dokumentu sira laiha duvida ruma, TR mos depois verefika lista hirak ne’e laiha ida mak afeitadu ho sirkuntansia sira mak hanesan lejetimidade ho lemite sira nia kapasidade atu bele aprezenta an nudar kandidatu ho eseptu iha Partidu rua KOTA no ASDT,” dehan PTR Deolindo.

Nia haktuir, kona ba Parpol Klibur Oan Timor Aswain, Assosiasaun Sosial Demokrata, Partidu Traballista (PTT), Partidu Nasionalista Timorense (PNT) Partidu Unidade Nasional (PUN), Partidu Demokrata Liberal (PDL), Partidu Republika Timorense, komisaun nasional eleisaun nia rekerimentu ne’ebe hato’o ba TR kona ba Parpol hirak ne’ebe sei iha kondisaun atu kompete iha eleisaun no hirak ne’ebe la bele ona atu kompete.

Enkuantu hare ba artigu primeiru No.4 ho 5 lei No.3/2004 14 de Abril ne’ebe ho lei No.2/2016 kona ba Parpol nian hatete organizasaun ne’ebe iha nia estatutu rasik bainhira la partisipa ona iha eleisaun dala ida iha tinan lima sei labele atu partesipa ona.

“TR verifika Parpol 31 ne’ebe rezistradu iha TR mais 1 perde tiha ona estatutu mak PPE nune’e sei iha deit partidu 30 depois hare hotu tiha, TR hare katak ultimo partesipasaun katak, KOTA, ASDT, PUN, PDL, Partidu Republika Timorense no PTT, sira nia programa rasik iha eleisaun 7 Jullu 2012 no ultimo partisipasaun PNT ho nia programa rasik iha 30 Junu 2007 purtantu partidu hirak ne’e la tuir eleisaun durante tinan lima ona tanba ne’e tuir lei sira tenke deklara perde sira nia estatutu,” dehan Deolindo.

Hare ba deklarasaun hirak ne’ebe fo sai husi PTR, Prezidente KOTA Manuel Tilman sente lamenta tebes ho dezisaun ne’ebe mak fo sai tanba lei sei fo dalan ba sira atu kompete nafatin iha eleisaun ne’ebe sei halo maski sira la kompete durante eleisaun periudu ida.

“Tuir lei ami iha loron ida hodi aprezenta rekursu, nune’e ami ba aprezenta kedas rekursu agora tanba ami respeita nafatin interpretasaun ne’ebe mak iha, maibe hau hanoin interpretasaun no dezisaun ne’e sala, tanba sa mak sala, iha ne’eba ne’e lei hatete hanesan ne’e organizasaun ne’ebe rejistu hanesan Parpol neeee’ebe la konkore dala ida mos iha eleisaun local ka nasional durante tinan lima tutuir malu mak perde estatutu partidu tuir interpretasaun hau nian katak lei la hatete sura husi ne’ebe no nein sura husi ultima eleisaun,” dehan Manuel Tilman.

EA rasik sei realiza iha 12 Maiu 2018 no orariu kampana ba parpol sira sei hahu iha 10 Abril to’o 10 Maiu 2018.

Iha Eleisaun Parlamentar 22 JUllu 2017, iha Parpol 5 mak hetan kadeira iha PN maka Partidu FRETILIN ho kadeira 23, CNRT (22), PLP (8), PD (7) no KHUNTO (5).

Iha prosesu hari’i governu FRETILIN ho PD konsege halo koligasaaun ba VII Governu Konstitusional ho Primeiru Ministru maka Mari Alkatiri. Maibe, iha apresentasaun Orsamentu Jeral Estadu, PN vota kontra ba programa governu hosi partidu opozisaun ne’ebe hanaran an Aliansa Maioria Parlamentar ne’ebe kompostu hosi CNRT, PLP no KHUNTO ne’ebe iha kadeira 35.

Ikus Prezidenti republika, Francisco Guterres Lu-olo iha Fevereiru 2018, dissolve PN hodi anunsia EA ho objektivu fo fali povu mak desidi hikas.

Editór: Evangelisto SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here