Home dezenvolvimentu KM Aprova Dekreitu Lei Estatutu Kompainia Murak Rai

KM Aprova Dekreitu Lei Estatutu Kompainia Murak Rai

391
0
SHARE
Governo halao reuniaun Konsellu Ministro (KM). Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Governu liu hosi reuniaun Konsellu Ministru (KM) halo aprovasaun ba proposta dekreitu lei ne’ebe iha relasaun ho estatutu Kompainia Murak Rai SH ne’ebe aprezenta hosi Ministru Estadu Rekursu Minerais (MERM) Mariano Assanami Sabino.

“Kompainia ne’e ho kapital sosial Estatal nian ne’ebe objetivu atu utiliza atividade Minerais inklui aktividade peskiza dezenvolvimentu esplorasaun prosesaamentu komersializasaun ba rekursu minerais,” dehan Sekretariu Estadu Konsellu Ministru no Komunikasaun Sosial (SEKMKS) Matias Boavida ba Jornalista hafoin remata seorumutu KM iha Palacio do Governo, Kuarta (28/03/2018).

Iha fatin hanesan MERM Mariano Assanami sabino hatete, Kompainia Murak Rai SH halai liu ho investimentu Publiku ne’ebe ba oin hakarak investe liu iha area rekursu Minerais.

“Agora daudaun Petroleum nian mak Timor Gap entaun agora Murak Rai ne’e iha Minerais nian, tanba planu ne’e mak ida ne’e, kodiku ne’e minerais ne’e duni futuru Parlamentu sei aprezenta no ba futuru ne’e ita hakarak halo iha fundu ketak ida atu nune’e bele apoiu ba dezenvolvimentu entaun kompania ida ne’ebe lao ho investimentu publiku mistura uitoan nune’e ba futuru bele estabelese,” dehan Ministro Assanami.

Dadauk ne’e Timor – Leste iha ona data beis no peskiza ne’ebe klean kona ba Minerais nian no iha mos dadus barak kona ba riku soin ne’ebe sirkula iha rai laran.

“Ita hatene katak ita iha Marmer ne’ebe barak, ita iha osan mean osan mutin no materias barak ne’ebe atu ita dezenvolve ba futuru nian,” dehan Assanami.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here