Home dezenvolvimentu Superintedente Julia da Gama, Mehi Sai Designer Ropa, Ikus Hamrik Nudar...

Superintedente Julia da Gama, Mehi Sai Designer Ropa, Ikus Hamrik Nudar Polisia

1022
0
SHARE
Superintendente Julia da Gama Photo: TTN/Hortencio Sanches

By: Hortencio Sanches

THETIMOR-NEWS.com, DILI – “Antes atu tama polisia, hau mos iha hanoin hakarak sai hanesan designer terhebat kona ba modista roupa nian iha Timor, maibe la konsege tanba laiha ema ida iha kbiit hodi selu eskola.”

Hamnasa kiik hodi hanoin hikas mehi ne’ebe la konsege realiza tamba kondisaun ekonomia Superintedente Julia da Gama wainhira hakarak los sai designer ropa nian bainhira eskola iha Venilale.

Fila fali ba nia fatin moris ba, iha Lospalos, Julia da Gama, ikus sai fali servidor povu iha area seguransa nian iha estadu nudar Polisia Nasional Timor-Leste (PNTL).

Maski ho deviza bo’ot (superintedente), saida mak nia hetan agora laos liu hosi dalan fasil, maibe hasoru ho dezafiu oi-oin. Ironia tan, instituisaun (PNTL) ne’ebe nia defende ba, durante tinan 4 konsege non-ativa nia hosi nia servisu. Maibe, ho pasensia no tuir dalan maromak nian, Julia da Gama la para hodi luta nafatin ba dezisaun ne’ebe Komando PNTL foti la tuir regra los hodi hapara nia.

“Kontenti iha 10 Jullu 2017, Komandante Jeral Komisariu Julio Hornay reativa fali hau hodi kontinua halao knar, hafoin dezisaun hosi Tribunal Rekursu anula dezisaun ne’ebe hatun iha 29 Janeiru 2013,” dehan Superintedente Julia da Gama ba thetimornews, Tersa (27/03/2018), iha Akademia Polisia Comoro, Dili, hafoin partisipa loron aniversariu PNTL ba dala 18.

Demisaun ne’ebe nia hetan tamba tuir avaliasaun konsellu superior sira abandona formasaun lideransa nian ne’ebe nia tuir iha Indonezia no ikus la pasa hosi nia estudu.

Iha nia esplikasaun, momentu ne’eba Superintendente Julia hetan failansu iha dalan molok semana rua remata nia estudo Superintendente hetan akusasaun moras no la hotu ba ida ne’e no Julia hetan susar iha dalan tanba nia oan ho naran Glennio Artin Ricardo hetan acidente motor xoke.

Husi problema ida ba problema seluk to’o impaktu ba Julia hodi la halo nia knaar nu’udar estudante nebe diak maske durante ne’e hetan valor diak maibe razaun presensa ne’ebe laperkore ba iha Lembaga entaun superintendente Julia la pasa estudu no ikus, Komandante Jeral PNTL antigun, Komisariu Longuinhos Monteiro foti dezisaun halo demisaun ba nia.

Tamba ne’e, ho farda PNTL ne’ebe iha nia isin lolon, hamutuk ho maluk feto PNTL seluk, sei lori duni povu atu bele kontente no haksolok ho prezensa PNTL iha sira nia leet.

Superintendente Julia da Gama. Photo: dok. Julia da Gama

“Hau nia mehi ba PNTL hau hakarak halo povu tomak kontente no haksolok ho presensa PNTL nian tantu ne’e feto ka mane liu husi atendimentu Profesionalismo ne’ebe nakonu ho disiplinasaun seim KKN, Nepotismu no Korrupasaun ba iha teritoria tomak liu husi servidor ne’ebe humanisma atu nune’e povu sempre hakarak sai belun no amiga ne’ebe avontade hodi hato’o nia qestaun ba PNTL seim sentimento Tauk,” dehan Superintedente ne’e.

Nia reforsa tan, “Hau hakarak sai servidor ba povu tomak liu hosi protesaun Lei ne’ebe hakerek iha Konstituisaun RDTL art. 147 alinea a-c katak defende, proteje i garantia povu tomak laos parte balu deit.  Hau hakarak sai penegak hukum yang betul betul bersih dan jujur serta taat hukum yang ada di negara RDTL ne’e.”

Tamba ne’e nia mos fo hanoin ba maluk feto Timoroan hotu, espesialmente iha PNTL atu halao knar labele tauk iha koalia no asaun, tamba feto mos hola papel importante iha dezemvolvimentu nasaun nian.

“Hau sei kumpri hau nia deveres tomak ne’ebe hau simu atu halao nu’udar PNTL feto ne’ebe latauk, lahanoin aat, laiha odio, sei halao buat hotu atu hametin dame no paz ba publiku hodi hapara hahalok at ne’ebe kontra ordem demokrasia no sei fo respeita tomak ba Lei no Ordem ne’ebe iha,” dehan nia.

Polisia ne’ebe moris iha Lospalos, 2 Jullu 1981 ne’e nudar oan husi Benedikto Xavier Lopes no Sofia da Gama, hosi familia hamutuk ema nain 6.

Julia da Gama moris husi familia simples tebes, ne’ebe actividades familia ida ne’e nian moris ho produsaun agrikultura bain bain ne’ebe halao sira nia moris hanesan to’os nain.  Julia da Gama hanesan familia ne’ebe desastrado iha 1980 to’o 1986 iha Atauro tamba situasaun politika rai laran hanesan Desatrado ba Atauro ou tahanan to’o 1986, bainhira fila hosi Atauro Julia da Gama moris hanesan sidadaun bain bain no hahu hikas nia escola iha SD 11 Kartini 1 iha tinan 1986 -1993. Remata eskola husi SD kontinua nia escola iha SMP Fuiloro iha tinan 1993-1996. Remata eskola Secundaria Julia da Gama kontinua escola iha SMAK Venilale iha tinan 1996 maibe laremata tanba Aman Inan la mampu selu eskola iha Eskola refere. Tanba ne’e, Julia da Gama tranfere husi SMAK venilale fila fali ba iha SMUK widya Bhakti Lospalos husi eskola ida ne’e Julia da Gama consege remata to’o Graduasaun Diploma ne’ebe ho valor diak.

Iha 1999 Julia da Gama sai hanesan tradutor iha UN nia hafoin ukun rasik an.

Tama PNTL iha tinan 2000, remata hosi Sentru Formasaun Akademika PNTL, hetan kedan fiar hodi kontinua nudar Instruktur ba kadetes foun sira seluk.

Iha 2001, Julia sai hanesan Xefe Administrasaun no konsege hetan nomeasaun ba iha Esquadra Tutuala sai hanesan Komandante Esquadra Tutuala durante fulan 6.

2002 Julia simu orden husi komandu hodi transfere ba iha Munisipiu Ermera nudar servidor povu Ermera nian hanesan PNTL.

Molok Julia transfere husi Lautem ba Ermera, Julia sai ona hanesan oficial Sub Inspector ba divisa kinur tolu ba formasaun fulan tolu. Iha Ermera Julia nia pozisaun hanesan Xefe Project Manager iha Munisipiu to’o 2005.

2005 hetan fali fiar husi Komandu hodi muda fali ba Lautem sai hanesan adjunta Komandante Operasaun munisipiu to 2006 bainhira mosu krize. 2006 hetan nomeasaun sai hanesan Xefe Investigasaun hodi lidera Servisu PNTL nian ba Krize 2006 ne’ebe servisu ho operasaun F-FDTL.

Iha tempu ne’eba konsege lidera PNTL iha area investigasaun to krize remata ho susesu  Iha 2007 muda fali ba akademia PNTL nu’udar instruktur to 2008.

2009 transfere fila fali ba Ermera sai hanesan oficial ba Komunikasaun radio to 2010, Iha momentu ne’eba Istituisaun hahu halo promosaun ba posto agente to’o Superior sira. Iha oportunidade ne’e mos iha prestasaun ba tuir teste ho posto sargento Xefe ba posto Superior.

Mehi hodi sai Superintendente ba femenina PNTL realiza duni iha tinan 2010 no transfere kedas husi Ermera ba fali iha Gabinete Komandu Jeral sai hanesan Official Gabinete to’o 2011.

Iha 2007 Julia kontinua nia estudu universitariu iha Universidade da Paz no remata nia estudu iha 2012 gradua ho diploma S1.

Superintendente Julia da Gama foto hamutuk ho nia kaben no oan sira. Photo: Dok. Julia da Gama

Dadauk ne’e Julia kaben ho Cornelio Moniz servisu hanesan mos membru PNTL Munisipiu Ermera iha komandu eskuadra Letefoho, daudauk ne’e sira iha oan Primeiru kaduak, ida naran Hernanio Estefani Moniz da Gama segundu Hernanio Estefanio Moniz da Gama, terseiru feto Talia Celsia Moniz da Gama, kuartu Gelenio Anton Ricardo Lopes kintu Coralia Analizia do Carmo Ramos hamutuk 5.

Daudauk ne’e, Superintendente Julia servisu iha Komandu  Jeral PNTL Dili iha parte auditoria tanba seidauk hetan nomeasaun ruma.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here