Home dezenvolvimentu PNTL Tenke Taka Dalan ba Krimi

PNTL Tenke Taka Dalan ba Krimi

535
0
SHARE
Prezidente Republika Francisco Guterres Lu-Olo, Photo: TTN/Hortencio Sanches

By: Jose SAMUEL

THETIMOR-NEWS.com, DILI – Prezidente Republika (PR) Francisco Guterres Lu-Olo husu ba membru Polisia Nasional Timor – Leste (PNTL) hotu atu taka dalan ba krimi hodi kaermetin valores demokrasia.

Membru Polisia Nasional Timor- Leste husi Unidade Patroliaamentu Fronteira (UPF) partesipa iha komemorasaun loron aniversariu PNTL ba dala XVIII iha Sentru Formasaun Academica Comoro Dili. Photo: TTN/Hortencio Sanches

Xefe Estadu hato’o lia hirak ne’e, iha nia diskursu bainhira partesipa serimonia komemorasaun aniversariu PNTL ba dala XVIII ne’ebe halo iha Sentru Formasaun Academica PNTL Comoro, Tersa (27/03/2018).

“Iha biban ida ne’e hau aproveita oportunidade hodi husu ba membru Polísia sira hotu atu halo diferensa momos entre prosesu krimi no prosesu ne’ebé mak laos krimi, ita nia lei sira estabelese prosedimentu la hanesan kona ba prosesu krimi no prosesu ne’ebe laos krimi,” dehan Xefe Estadu.

Ema numeru ida iha Timor – Leste ne’e dehan, agora daudaun Timoroan hotu hein hela PNTL atu kaer metin valores demokrasia no taka dalan ba krimi no tau matan ba direitu ema hotu nian.

Sidadaun sira iha direitu atu moris ho liberdade no seguransa, nune’e estadu iha dever liu hosi PNTL, atu defende sidadaun sira nia direitu, legalidade, demokrasia no seguransa iha rai laran.

“Estadu iha devér atu hari kultura demokrátika kona-ba seguransa tenke hari sistema seguransa ida ne’ebe serve sidadaun hotu iha Timor-Leste tuir lei haruka,” dehan PR Lu-Olo.

Entretantu, PNTL ninia lejitimidade no autoridade mai hosi ajente sira hotu, liuhosi  ida-idak nia komportamentu loroloron, membru ida-idak koalia, hahalok diak kontribui hasae ema nia respeitu no fiar ba instituisaun PNTL.

“Liu hosi dalan ida ne’e de’it mak Ita-Boot sira bele hakbesik-an ba populasaun sira, Bainhira Ita-Boot sira haklaken beibeik, populasaun bele kompreende liután no nune’e,  bele simu ho laran-malirin Ita-Boot sira-nia hahalok ,” dehan PR Lu-Olo.

Nia hatutan, selebra loron espesial ne’e hanesan loron ida ne’ebe importante no signifikadu bo’o tanba ema hotu hatene katak Timor – Leste instituisaun ne’e hakat dadauk ba oin ho nia identidade rasik.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here