Home nasional Karketu Manan Mihis Boavista 1-0

Karketu Manan Mihis Boavista 1-0

264
0
SHARE
Jogador Karketu Jose Fonseca tenta atu hadau bola hosi Jogador Boavista Henrique Martins nia ain iha kampo FFTL. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Klubu Kampiaun Liga Futebol Amaadora (LFA) epoka 2017-2018 Karketu Dili FC iha jogu daruak konsege hadau pontu tolu hosi Klubu Primeira Divizaun Boavista FC ho golu ne’ebe mihis 1-0 iha kampo Federasaun Futebol Timor –Leste (FFTL) Sabadu (24/03/2018).

Vitoria ne’ebe, Klubu Matak malirin hosi kapital Dili ne’e hetan, produs hosi Jogador Frankyatma Alves numeru kamijola 21 (88’).

Kapitaun hosi Karketu FC tenta atu hamate bola ne’ebe pasa hosi nia kolega. Photo: TTN/Hortencio Sanches

Daudauk ne’e, provijoriamente Klubu kapital Dili ne’e lidera klasifikasaun ho pontu 6 hafoin iha jogu dahuluk ne’ebe halo iha estadiu Malibaka Maliana, klubu refere halakon nia adversariu DIT FC ho golu ida mamuk.

Alende ne’e, Boavista FC iha nia jogu da-huluk hadau pontu tolu hosi nia adversariu Cacusan FC no daudauk ne’e, klubu refere provijoriamente hela deit  ho pontu tolu hafoin derota ho Karketu Dili FC.

Jogu ne’e, lidera hosi Arbitu Carvalho, Juiz da lina Francisco Pereira no Romario Malitete, konsege fo kartaun kinur ba Jogador Karketu Frankyatma Kefi numeru kamijola 21 (16’), Osvaldo Belo 23 (60’), Ologario Boavida 6 (69’) no Jogador Boavista Jose Maria 7 (13’) no Edit Savio 9 (48’).

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here