Home nasional Empata ho Ultramar, Treinador Ponta Leste Kestiona Arbitu

Empata ho Ultramar, Treinador Ponta Leste Kestiona Arbitu

165
0
SHARE
Jogador hosi Atletiku Ultraamar no Ponta Leste hadau malu hela bola iha kampo laran. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Klubu Primeira Divizaun AS Ponta Leste iha jogu da-ruak Liga Futebol Amadora (LFA) la konsege hadau pontu tolu hosi klubu Promosaun Atletiku Ultramar tanba empata 1-1 iha kampo Federasaun Futebol Timor – Leste (FFTL) Dili, Sexta (23/03/2018).

Treinador Ponta Leste Eduardu Pereira. Photo: TTN/Hortencio Sanches

Tanba ne’e, Treinador Ponta Leste Eduardu Pereira la menta no kestiona dezisaun Arbiteu ne’ebe organiza jogu durante minutu 90 la tuir regras.

“Hau Kestiona mak arbitrazen  ne’e, tanba jogu ne’e lao furak los nia hu halo atu estraaga tia jogu ne’e, maibe jogu ne’e kualidade ne’ebe kapas tebes, maibe arbitu foti dezisaun la tuir regra ne’ebe mak iha,” dehan Eduardu.

Ho nune’e, nia husu ba oin tenke hadia diak liu tan kualidade Arbitu sira nian nune’e  bele lori Futebol ba oin ho diak.

Golu Primeiru Ultaramar hatama hosi Eujebio Pereira numeru kamijola 21 (6’) no Golu Ponta Leste produs hosi Daniel Doucar nimeru kamijola 20 (15’).

Jogu ne’e, lidera hosi Arbito Nivio Fernandes, Juis da lina Antonio de Carvalho no Filomeno da Silva konsege fo kartaun kinur ba Jogador Ponta Leste Carlos Ximenes numeru kamijola 32 (59’), Daniel Doucar 20 (73’) no Ezaquel Fernandes 15 (88), Ultraamar, Jacinto Soares 19 (72’).

Alende iha Jogu da-huluk Ultramar lakon ho Academico ho eskoru 3-4 no Ponta Leste hetan ona pontus tolu hafoin iha nia jogu da-huluk konsege manan Cacusa ho eskoru 2-1, daudauk ne’e Ponta Leste iha Pontu 5 no Ultramar foin hetan pontus 1 iha liga refere.

Treinador Ultramar Gaspar Quintao. Photo: TTN/Hortencio Sanches

Treinador Ultramar Gaspar Quintao hatete, iha jogu ne’ebe halo parte rua iha oportunidade hanesan tanba ne’e mak konsege fahe pontu ba malu.

Treinador ne’e dehan, ba oin nia sei esforsu naftin nune’e bele hetan pontu tolu iha jogu ba dala tolu iha semana oin.

“Jogu ne’e, ekipa rua konsege halo kontra atake ba malu hanesan nune’e mak konsege ami fahe pontu ba malu, maibe ba oin hau tenke hadia tan ekipa ne’e liu-liu fiziku tanba hau hare jogador sira nia fiziku ne’e tun liu,” dehan Gaspar.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here