Home dezenvolvimentu Povu Viqueque Seidauk Sente Moris Diak

Povu Viqueque Seidauk Sente Moris Diak

212
0
SHARE
Kondisaun estrada ne'ebe at. Photo: TTN/Hortencio Sanches

By: Fidelio RAMOS

THETIMOR-NEWS.com, VIQUEQUE – Durante tinan 16 Timor – Leste liberta an hanesan nasaun demokratiku iha nasaun hotu nia let maibe povu Munisipiu Viqueque sei moris iha terus no susar nia laran tanba estrada iha munisipiu refere kondisaun grave tebes no fo ameasa ba transporte publiku sira halo viajen ba mai.

Tanba ne’e, autoridade lokal husu ba Governu urjentemente tenke hadia estrada ne’ebe mak oras ne’e daudaun at maioria iha munisipiu Viqueque tanba durante tempu okupasaun Indonezia to agora sira seidauk sente moris diak.

Kondisaun estrada ne’ebe at iha suku Ura-Hou Postu Administrativu Hatulia Autoridade Munisipiu Ermera. Photo: TTN/Hortencio Sanches

“Eleisaun Antisipada mos besik ona ne’ebe hau lori populasaun nia naran ami husu diretamente ba Primeiru Ministru (PM) fo apoiu ekipamentus atu ateru istrada ne’ebe mak liga ba sentru votasaun halo didiak oitoan para label fo ameasa ba ita nia komunidade,” dehan Administrador Postu Administrativu Watukarbau Mateus Pinto bainhira halao dialogu ho PM Mari Alkatiri iha edifisiu Beloi Munisipiu Viqueque, Kinta  (22/03/2018).

Alende ne’e, administrador Postu Administrasaun Watulari Tomas Soares hatete, sira nia parte pronto mobiliza eleitores sira atu partisipa iha eleisaun antesipada maibe Governu mos tenke tau atensaun lalais ba estrada hirak ne’ebe kondisaun grave.

Hatan ba preokuoasaun hirak ne’e, PM Alkatiri esplika, ekipamentu iha no ladun bo’ot, maibe VII Governu konsege iha duni kapasidade hodi responde nesidade povu nian to’o eleisaun remata.

“Governu sei responde nafatin preokupasaun povu nian to eleisaun remata, maski oras ne’e Governu ida ne’e ho ekipamentus la dun bo’ot,” dehan PM Alkatiri.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here