Home dezenvolvimentu Eleisaun Antesipada Hanesan Referendum

Eleisaun Antesipada Hanesan Referendum

754
0
SHARE
Primeiru Ministro Mari Alkatiri, Photo/TTN/Jose Samuel

By: Fidelio RAMOS

THETIMOR-NEWS.com, VIQUEQUE – Primeiru Ministru (PM) Mari Alkatiri husu ba povu hotu liu-liu Munisipiu Viqueque tenke partesipa masimu iha elisaun antesipada tanba konsidera hanesan referendum ba dezenvolvimentu.

Xefe Governu dehan, uluk povu hotu halo referendhum hodi hili ba independensia, tanba ne’e agora povu hotu tenke parte sipa iha eleisaun antesipda hodi hili governu ida ne’ebe diak hodi kaer ukun to tinan 5 atu lori povu ba oin liu hosi dezenvolvimentu ne’ebe agora daudaun lao.

“Eleisaun ne’e atu hili no foti desizaun ba Governu ida atu kaer ukun to’o tinan lima, uluk ita halo referendum tanba hakarak  independensia ka ou autonomia tanba ne’e eleisaun hanesan ne’e hodi husu no hateke ba kotuk ka oin se kuandu hateke ba kotuk ita sei iha fatin deit ona, se hateke ba oin mak dezenvovimentu sei mai ho servisu rasik,” dehan PM Alkatiri bainhira halao dialogu aberta ho komunidade iha edifisiu Administrasaun Beloi Munisipiu Viqueque, Kinta (22/03/2018).

Nia esplika, VII Governu sei ukun to’o eleisaun antesipada remata no bainhira iha eleisaun partidu rua hanesan FRETILIN no PD sei lao ho ida-idak nia identidade maibe lao ho programa ne’ebe hanesan hodi hato’o ba povu.

Alende ne’e, kondisaun estrada iha Munisipiu Viqueque grave tebes ema numeru ida iha Governu ne’e dehan, kuandu Governu iha hanoin no politiku ida ne’ebe diak investe osan ba munisipiu ida-idak miliar ida ba munisipiu ida hodi dezenvolve nia fiar katak munisipiu hotu bele sai nabilan.

“Kada Munisipiu ida mak oferese miliar ida ne’e hau fiar laiha duvidas tan ona Timor laran bele nabilan hotu tanba ita hare Oekuse nian seidauk gasta to’o 200 Milioes mos, hare nabilan,” dehan PM Alkatiri.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here