Home dezenvolvimentu NOGA Sei Halo Esplorasaun Minarai iha Tasi Timor

NOGA Sei Halo Esplorasaun Minarai iha Tasi Timor

1728
0
SHARE
Vixe Ministro Obras Publiku Transporte no Komunikasaun. Incio Moreirra. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Vixe Ministro Obras Publliku Transporte no Komunikasau Inacio Moreira informa, daudauk ne’e investor Nortern Oil Gas Australia (NOGA) hakarak utiliza Aeroportu Suai nune’e bele halo esplorasaun ba minarai iha Tasi Timor – Leste.

“Ohin Primeiru  Ministro (PM) bolu hau mai hasoru malu ho nia hodi akompaina investor ida husi Australia ne’ebe atu esplora minarai ne’ebe nia hakarak utiliza fatin iha Timor –  Leste, entaun aprosimasaun sei uza ita nia fasilidade hanesan airportu entaun agora ami prepara hela hodi hein, hanoin tama iha fulan abril bele iha ona kontratu ruma para nune’e sira bele mai uza ita nia fasilidade sira particular Aereoportu Suai, Aereoportu suai tenke presiza halo hotu entaun ami sei organiza para sira mai uza lai Aeroportu Dili hanesan area balun ne’ebe livre para sira uza tia lai depois neneik mak sira muda ba iha ne’eba,” dehan Inacio ba Jornalista hafoin remata sorumutu ho PM Alkatiri iha Palacio Governu Dili, Segunda (19/03/2018).

Governante ne’e esplika, sira nia parte fokus liu oinsa mak kompainia bele utiliza fasilidade hanesan Aeroportu iha tempu besik nune’e bele halo aktividade servisu, relasiona ho esplorasaun minarai, lider ne’e la fo komentariu tanba kompetensia husi Ministeriu Petroleum.

“Iha area Aeroportu nian mak Xefe Governu komvida ami mai, no mos PM halo ona instrusoens para bele prepara lalais kontratu nune’e sira bele utiliza ona ita nia fasilidade hirak ne’e, atu hatete mos katak desde Dezembru ne’e ami halo kontratu buat hotu ne’ebe lao diak tebes, ohin  ne’e formalmente hasoru PM para bele hare,” dehan Inacio.

Tanba ne’e, membru Governu ne’e husu ba ema hotu tenke haksolok ho investimentu ne’e tamba bele fo servisu ba Timoroan barak bainhira servisu hahu.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here