Home dezenvolvimentu Igreja Husu Ema Hotu Respeita Lider Istoriku

Igreja Husu Ema Hotu Respeita Lider Istoriku

180
0
SHARE

By: Jose Samuel

THETIMOR-NEWS.com, DILI – Daudauk ne’e, ema balun utiliza media sosial hanesan Facebook hodi tolok no trata at lider sira hanesan Kay Rala Xanana Gusmao Mari Alkatiri no seluk tan. Tanba ne’e lider husi igreja Protestante Asembleia Dedeus husu ba ema hotu tenke respeita no labele koalia at lider sira tanba sira mak ohin loro Timor – Leste hetan independensia.

“Tantu sira no tantu ita hotu nia luta mak hetan ukun an ne’ebe agora dadaun ita hotu goja no moris diak tamba ne’e parte igreja ho moralmente hodi husu ba ita hotu iha konsensia respeitu ba sira maski Partidu lahanesan,” dehan Prezidente Konsellu Exekutivu Sinodo, Lorenso dos Santos ba Jornalista hafoin remata sorumutu ho Prezidente Republika (PR) Francisco Guterres Lu-Olo iha Palasiu Presidencial Bairu-Pite Dili, Segunda (18/03/2018).

Alende ne’e, sira husu mos ba lider sira atu hamutuk hodi fo liman ba malu nune’e bele lori nasaun ne’e ba oin tanba povu hotu hakarak lider sira tenke unidade maski diferente partidu.

Lider igreza ne’e dehan, bainhira ema hotu moris iha paz no dame mak nasaun bele hetan progresu ne’ebe diak.

“Parte igreja apoiu moralmente liu-liu hanesan ema kristaun iha moral ne’ebe diak hodi respeitu ba malu, Unidade, hadok husi buat ne’ebe ladiak ba ita nia moris,” dehan Lorenso.

Oras ne’e daudaun, Polisia Nasional Timor –  Leste (PNTL) liu hosi sesrvisu Investigasaun Kriminal (SIK) komesa kaputra ona individu hirak ne’e uza ID falsu iha Facebook hodi hatete at lider istoriku sira.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here