Home dezenvolvimentu Governu Lansa Investimentu Fiver Optic

Governu Lansa Investimentu Fiver Optic

408
0
SHARE

By: Hortencio SANCHES

THETIMOR-NEWS.com, DILI – VII Governu liu hosi Primeiru Ministru (PM) Mari Alkatiri hamutuk ho nia membru balun lansa ona investimentu kabu sub marinu ne’ebe sei implementa iha Timor – Leste iha tempu besik nune’e bele fasilita rede internet diak liu tan.

Iha diskursu PM Alkatiri hatete, investimentu ne’ebe lansa hahu kedan husi Governu Kay Rla Xanana Gusmao lori ba Parlamentu Nasional hodi husu aprovasaun ba planu estrateziku dezenvolvimentu Nasional iha 2011 ne’ebe kompleta tinan hitu VII  Governu hakarak halo mehi hirak ne’e sai realidade.

“Kabu sub marinu fiver optic hanesan investimentu husi  kompainia rua, hau iha prinsipiu ida katak, ijolamentu ho dezenvolvimentu la kabe ba malu, kaundu atu lori dezenvolvimentu tenke rompe ho ijolamentu no ohin loron iha mundu globalizadu ijolamentu ida ne’ebe halo ita kiak liu  mak komunikasaun tanba komunikasaun laiha kualidade sai karun ne’e la dun diak, ho nune’e mak Governu agora fo prioridade absoluta ba investimentu ida ne’e,” dehan PM Alkatiri bainhira halo lansamentu ba investimentu ne’e iha Timor Plaza Dili, Segunda (19/03/2018).

Xefe Governu ne’e dehan, ho investimentu ne’ebe mak atu komesa fiar katak iha fulan lima nen mai Timor –  Leste bele asselera ona komunikasaun liu hosi rede internet ne’ebe ho folin baratu liu.

“Ita halo tia investimentu ba lina esterna Fiver Optic hamutuk ho investimentu ba eletrisidade ne’ebe mai husi satellite la ajuda barak hodi asselera prosesu ida ne’e, nune’e ohin halo lansamentu intensaun ida ida ne’e atu habelar liu tan dezenvolvimentu iha area komunikasaun nune’e mak bele dudu ita nia ekonomia ne’e ba oin, nune’e mak hasai Timor – Leste husi ijolamentu internasional,” dehan PM Alkatiri.

Kompainia rua ne’ebe hetan ona konfiansa husi Governu Timor – Leste hodi halo investimentu mak hanesan, Telin no Moratelindu husi Indonezia.

Antes ne’e kompainia rua ne’e, hato’o ona sira nia esplikasaun kona ba vantazen no dezvantazen husi investimentu refere.

Tuir planu ne’ebe kompainia 2 ne’e iha, Telin hakarak dada kabu sub marinu husi Atambua mai Dili no Moratelindu hakarak dada husi Alor mai Dili.

Daudauk ne’e, Timor – Leste assesu lina internet liu husi komapainia tolu hanesan Timor Teleko, Telekomcel no Telemor ne’ebe ofrese liu husi satellite ne’ebe monta husi leten.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here