Home nasional Orgaun Pubikú Tenke Tau Fatin seguru ba Jornalista

Orgaun Pubikú Tenke Tau Fatin seguru ba Jornalista

217
0
SHARE
Prezidente Konsellu Imprensa (KI) Vrigilio Guterres. Photo: Espesial

By:Jose Samuel

THETIMOR-NEWS.com, DILI – Prezidente Konsellu Imprensa (KI) Virgilio Guterres husu ba Orgaun hot-hotu tenki tau fatin seguru ba jornalista hodi halao kobertura ho diak tamba dalarak Jornalista sempre hasoru problema Oin-Oin hanesan tratamentu ladun favoravel  husi Orgaun Publiku sira.

Ema numeru ida iha KI ne’e afirma, Instituisaun ne’ebe responsabiliza ba seremonia bo’ot ruma tenki trata Jornalista hotu ho diak labele halo diskriminasaun ba sira atu halo kobertura.

“Ema bo’ot sira, ou politiku sira importante tamba sira ba liur lori povu nia naran entaun sira mai tenki informa ba povu kona ba saida mak sira halao iha liur, entaun atu informa liu husi ne’ebe, se husi midia entaun Jornalista sira ne’e mak ba iha ne’eba hodi rona no husu saida mak sira atu hatan ba publiku entaun fo espasu ba jornalista hodi foti filmajen ka halo kobertura,” dehan Virgilio ba Jornalista hafoin remata sorumutu ho Prezidente Republika (PR) Francisco Guterres Lu-Olo iha Palacio Presidensial Bairu-Pite Dili, Sexta (15/03/2018).

Iha hasoru malu ho PR Lu-Olo KI informa, meius komunikasaun sosial no liu-liu ba problemas ne’ebe Jornalista infrenta bazeia ba akontesimentu husi orgaun Instituisaun hatudu tratamentu ladun favoravel.

“PR, Lu-Olo apoia totalmente ba jornalista no liu-liu ba audio visual, Televizaun tenki iha pozisaun ne’ebe diak hodi foti filmajen tantu seremonia Nasional tantu internasional ne’ebe halao iha ne’e,” dehan Virgilio.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here