Home nasional Kongresu RENETIL Da-hitu, Lere Hato’o Topiku Rezistensia Tolu

Kongresu RENETIL Da-hitu, Lere Hato’o Topiku Rezistensia Tolu

524
0
SHARE
Xefe Estadu Maior das Forsas Armada Maijor Jeneral Lere Anan Timur. Photo: Espesial

By: Aderito Ximenes

THETIMOR-NEWS.com, Dili – Organizasaun Rezistensia Estudante Timor – Leste (RENITIL) oras ne’e daudaun halo kongresu ba dahitu hodi hili estrutura foun hodi lidera nafatin organizasaun ne’e. Tanba ne’e iha kongresu ne’e, Xefe Estadu Maior da Forsas Armada F-FDTL Maijor Jeneral Lere Anan Timur hato topiku  rezistensia nian tolu ba kongresista hotu no parabens ba sira tanba iha tempu ne’ebe difisil Joventude estudante hirak ne’e fo mos kontribuisaun ba luta libertasaun Timor – Leste nian.

“Hau mai iha ne’e lori topiku Tolu, imi hotu hatene Iha tinan 24 Nia laran, 1. Patria e morte, Patria siknifika ukun rasik an morte Dehan funu tamba funu, se mak funu Hein par fo Hein par Simu ukun ida ne’e nia folin Karun tebes, 2. Resistir e Vencer, ita la rejiste ita la manan funu tamba ita rejiste mak ita manan indepedensia, 3. Aluta continua biar oinsa mos ba oin nafatin ate ultima ate ita Hetan politika ukun rasik an,”  Dehan Lere iha Kongresu RENETIL iha Sentru Konvensoes Dili (CCD red), Kinta, (15/03/2018).

Liu husi topiku tolu ne’ebe esi Guirilleiru ne’e hato’o, hodi husu ba lider politiku Mari Alkatiri, Ramos Horta no Kay Rala Xanana Gusmao labele haluha no ba sira ne’ebe mak oras ne’e laa hamutuk iha ukun rasik an ne’e.

“Timoroan rihun ba rihun mate ba nasaun ida ne’e ohin loron ita sai nasaun soberanu independente iha mundu raiklaran biar kiik biar kasian maibe orglhu katak ita mos nasaun ida,” dehan Lere.

Nia haktuir, Patria Morte Palavra de orden ida nebe fo forsa ho kbi’it ba Timoroan tomak hodi luta laos Falintil no juventude RENETIL ou Maluk seluseluk maibe, mai husi komite Sentral FRETILIN ne’ebe uluk komanda funu.

“Palavra de orden nia konsekuensia ne’ebe bo’ot ba povu Timor – Leste liuliu ba juventude, se palavra ida ne’e mak laiha karik Falintil mos la mate Barak, 12  Novembru mos laiha Tamba liafuam ida ne’e mak la tauk mate se hirus Matan ba kilat musan la tauk mate,” dehan ema numeru ida iha F-FDTL.

RENETIL Hari iha 20 jullu 1988 husi estudante nain sanulu, Hakarak Hari RENETIL Konsentra ba estadu nudar Estudante nudar povu maubere nia oan sira ne’ebe mak asisti violasaun direitus humanus no justisa husi Militar Indonezia nian hasoru Timoroan sira.

Tema ne’ebe RENITIL uza iha Kongresu ne’e mak, atu garante soberania estadu no Povu Timor – Leste.

Iha fatin hanesan, Prezidenti konsellu Sentral RENETIL Jose da Silva hatete, RENITIL hamrik atu depende soberania Timor – Leste nian hodi se hirus matan ba military Indonezia nian ne’ebe halo violaasaun hasoru Timoroan sira iha tempu ne’eba no organizasaun ne’e hamrik husi estudante Timoroan hotu atu kontribui luta ba libertasaun Timor – Leste nian.

“Hanesan sakrifisiu bo’ot ne’ebe membru RENETIL sira halo ho objetivu ida katak, diak liu lakon ita nia titulu duke Lakon ita nia Patria tamba titulu ohin ita lahetan aban ita sei Hetan, Maibe kuandu ita lakon ita nia rain mak ita sei lahetan tan,” haktur Jose.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here